پنجاب میں سو سال کے بعد اضلاع کی مکمل تفصیلات مرتب کر لی گئیں ہیں۔

تفصیلات کے مطابق بورڈ آف ریونیو پنجاب نے صوبے کے اضلاع کی 1920 کے بعد 2021 میں تمام تفصیلات مرتب کرلی ہیں۔

بورڈ آف ریونیو پنجاب کے مطابق اب کسی بھی ضلع کی تمام تفصیلات ایک کلک پر ہونگی،اضلاع کے گزیٹیئرز مرتب کرلیےگئے ہیں۔

بورڈ آف ریونیو پنجاب کا کہناہے کہ گزیٹیئرز میں ضلع کی تاریخ، نقشہ، تعارف اور سالانہ بارش کا اندراج مکمل طور پر موجود ہے۔

ذرائع کے مطابق پنجاب کے ہر ضلع میں درختوں، مویشیوں اور جنگلی حیات کی تعداد اور پائے جانے والے معدنیات کا بھی مکمل اندراج موجود ہے، ضلعوں کی مغل دور، سکھ دور اور انگریز دور کی مکمل تفصیلات بھی مرتب کرلی گئیں ہیں۔

ذرائع کے مطابق ضلع کی آبادی، مزارات و مقدس مقامات، ذات برادریاں اور اسمبلیوں کی نشستوں کا مکمل ریکارڈ مرتب کر لیا گیا ہے۔