شام: بشار الاسد چوتھی مرتبہ صدر منتخب

وریشہ مسعود

28th May, 2021. 06:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شام: بشار الاسد چوتھی مرتبہ صدر منتخب

شام میں بشار الاسد 95 فیصد ووٹ لیکر چوتھی بار صدر منتخب ہوگئے۔

تفصیلات کے مطابق شام کے صدر بشارالاسد نے چوتھی مرتبہ الیکشن میں کامیابی حاصل کرلی، انھوں نے 95 فیصد ووٹ حاصل کئے۔

صدر بشارالاسد چوتھی مرتبہ ملک کے صدر منتخب ہوں گے جبکہ ان کے مخالفین نے ان پر الیکشن میں دھاندلی کا بھی الزام عائد کیا ہے۔

صدر بشار الاسد کے مخالف دو اہم امیدوار بھی تھے جن میں سے ایک سابق وزیر مملکت عبداللہ سلام عبداللہ اور دوسرے مفاہمت پسند اپوزیشن رہنما محمد مہری تھے تاہم دونوں بری طرح شکست سے دوچار ہوئے۔

الیکشن میں کامیابی پر بشارالاسد نے سوشل میڈیا پر جاری بیان میں اپنے حامیوں کا شکریہ ادا کیا اور کہا کہ ایک بار پھر کل سے امید اور شام کی تعمیر کے لیے کام شروع کرتے ہیں۔

صدر بشارالاسد نے کہا کہ انتخابات یہ واضح کرتے ہیں کہ طویل عرصے سے جاری خانہ جنگی کے باوجود بھی شام معمول کے مطابق چل رہا ہے۔

شامی پارلیمنٹ کے سربراہ نے نیوز کانفرنس کے ذریعے الیکشن میں بشارالاسد کی کامیابی کا اعلان کیا اور بتایا کہ الیکشن میں 14 ملین شہریوں نے حصہ لیا اور ووٹنگ ٹرن آؤٹ 78 فیصد رہا۔