پی ٹی آئی رہنماء خرم شیر زمان نے کہا ہے کہ ملک سے دھاندلی کا ٹرینڈ جلد ختم کریں گے۔
تفصیلات کے مطابق شہباز شریف کے بیان پر پی ٹی آئی رہنماء خرم شیر زمان نے ردعمل دیتے ہوئے کہا کہ شہباز شریف کا بیان چور کی داڑھی میں تنکا ہے۔
خرم شیر زمان نے کہا کہ شہباز شریف الکٹرانک ووٹنگ کی مخالفت کرکے اپنی بدنیتی واضح کرچکے ہے۔
پی ٹی آئی رہنماء کا کہنا تھا کہ ملک میں غیر جمہوری قوتوں نے شفاف انتخابات کا نظام تباہ کیا، لیگی صدر اقتدار کے ساتھ کھیلنا چاہتے ہیں۔
خرم شیر زمان کا یہ بھی کہنا تھا کہ وزیراعظم الیکشن ریفارم کی بات کررہے ہیں، اب وقت ہے تمام جماعتیں سر جوڑ کر بیٹھیں۔
پی ٹی آئی رہنماء خرم شیر زمان کا مزید کہنا تھا کہ ملک سے دھاندلی کا ٹرینڈ جلد ختم کریں گے، الیکشن ریفارمز نہ ہوئے تو اپوزیشن جماعتیں الیکشن میں دھاندلی کا شور مچاتی رہیں گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
