مسلم لیگ ن کا ہر کارکن متحد اور سرگرم ہے، مریم اورنگزیب

وریشہ مسعود

27th May, 2021. 07:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلم لیگ ن کا ہر کارکن متحد اور سرگرم ہے، مریم اورنگزیب

مسلم لیگ (ن) کی ترجمان مریم اورنگزیب نے کہا ہے کہ مسلم لیگ ن کا ہر کارکن اپنے قائد نوازشریف اور صدر شہبازشریف کی قیادت میں متحد اور سرگرم ہے۔

تفصیلات کے مطابق مسلم لیگ (ن) کی ترجمان مریم اورنگزیب نے احسن اقبال کے ہمراہ میڈیا سے گفتگو کرتے ہوئے کہا کہ پاکستان کے عوام کے ساتھ ملکر ہم اس عزم کو دہراتے ہیں کہ ایٹمی پاکستان کی منزل زکات اور فطرانے کی معیشت نہیں ہے۔

مسلم لیگ (ن) کی ترجمان نے کہا کہ شہبازشریف صاحب نے جو عشائیہ دیا تھا اس کا مقصد پارلیمنٹ کے اندر بجٹ اجلاس میں تمام اپوزیشن جماعتوں کو متحد کرنا تھا۔

مریم اورنگزیب نے یہ بھی کہا کہ کراچی سے لیکر پشاور تک اور گلگت سے لیکر گوادر تک مسلم لیگ ن کا ہر کارکن اپنے قائد نوازشریف اور صدر شہبازشریف کی قیادت میں متحد اور سرگرم ہے۔

مسلم لیگ (ن) کی ترجمان مریم اورنگزیب نے مزید کہا کہ ایٹمی پاکستان کی منزل ایک جدید نالج ڈیجیٹل اکانومی ہے جو پاکستان کے عوام کو خوشحالی دے۔