وزیراعلیٰ  بلوچستان جام کمال نے سریاب میں زیر تعمیر اسپورٹس کمپلیکس کا دورہ کیا ہے۔

تفصیلات کے مطابق وزیراعلیٰ بلوچستان جام کمال نے دورے کے موقع پر بات چیت کی ہے۔

جام کمال نے کہا کہ عوام کو کھیلوں کی سہولیات فراہم کر رہے ہیں ،آئندہ بجٹ میں مزید سڑکیں اور کھیلوں کی سہولیات دیں گے۔

انہوں نے کہا کہ کچھ دوست ناراض ہیں جو حکومت بننے سے پہلے سے ناراض ہیں جبکہ پہلی مرتبہ صالح بھوتانی صاحب ناراض ہوئے ہیں۔

جام کمال نے کہا کہ اگر صوبے میں کام نہ ہو اور وزیراعلیٰ اپنے حلقے کو نوازیں تو بات ہے ،ذاتی اور پارٹی مسائل پر بات کرنی ہے تو پلیٹ فارم موجود ہیں۔

انہوں نے یہ بھی کہا کہ ہمارا فوکس صوبے کی ترقی ہونی چاہئیے کبھی ذاتیات نہیں کی۔

وزیراعلیٰ  بلوچستان کا کہنا تھا کہ قلمدان تبدیل ہوتے رہتے ، بعض وزراء کے قلمدان  تبدیل ہوئے ہیں۔

جام کمال نے کہا کہ صالح بھوتانی کے محکمے کی کارکردگی کی بنیاد پر قلمدان تبدیل کیا ہے۔

انہوں نے یہ بھی کہا کہ اسپیکر بلوچستان اسمبلی کا خط ٹھنڈے دماغ سے پڑھا جائے، اسپیکر کو خط تنقید نہیں تجاویز ہیں ۔

وزیراعلیٰ  بلوچستان جام کمال کا مزید کہنا تھا کہ بعض ممبر اسپیکر کے اختیارات کو استعمال کرتے ہیں ،میں نے اسپیکر پر تنقید نہیں کی ۔