کراچی میں کالے بادل چھا گئے اور آندھی کے ساتھ تیز ہوائیں چلنے لگیں، جس کے بعد مختلف علاقوں میں ہلکی بارش کا سلسلہ شروع ہوگیا۔
تفصیلات کےمطابق شہر میں اچانک کالے بادل چھاگئے اورمطلع ابرآلود ہوگیا،جس کے بعد مختلف علاقوں میں ہلکی بونداباندی سے گرمی کی شدت کم ہوئی ہے اور موسم بھی سہانا ہوگیا ہے۔
نارتھ کراچی، احسن آباد، گلشن معمار، سپر ہائی وے پر گردوغبار کا طوفان آیا جبکہ سرجانی ٹاؤن میں ہلکی بارش بھی ہوئی۔
محکمہ موسمیات کے مطابق کراچی میں درجہ حرارت اب بھی 40.05 ڈگری سینٹری گریڈ ہے۔
محکمہ موسمیات کا کہنا ہے کہ گرمی کے باعث تھنڈر سیلز بنے ہیں، شمال مشرق سے ہوائیں چل رہی ہیں اور شہر کے شمالی حصے میں بادل بن رہے ہیں۔
Advertisement
دوسری جانب شہر قائد کراچی میں تیز آندھی اور طوفان آنے کے بعد سے شہر کے کئی علاقے بجلی سے محروم ہوگئے ہیں ۔
کراچی کےعلاقے لانڈھی ، ملیر ، شاہ فیصل ، بلدیہ ، گلستان جوہر ، نارتھ کراچی میں بجلی بند کر دی گئی، تاحال بجلی بحال نہ ہونے پر شہری پریشان ہیں ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
