پاکستان رینجرز (سندھ) اور پولیس نے کراچی کے علاقے بن قاسم ٹاؤن میں مشترکہ کارروائی کی ہے۔
تفصیلات کے مطابق کراچی کے علاقے بن قاسم ٹاؤن میں رینجرز اور پولیس نے مشترکہ کارروائی کرتے ہوئے اسٹریٹ کرائم اور ڈکیتی کی 250 سے زائد وارداتوں میں ملوث ملزم کو گرفتار کرلیا گیا ہے۔
ترجمان رینجرز کے مطابق گرفتار ہونے والے ملزم کی شناخت صالح کے نام سے ہوئی، جس کے قبضے سے اسلحہ، موٹر سئایکل اور چھینے ہوئے موبائل فونز برآمد ہوئے ہیں۔
ترجمان رینجرز کا کہنا ہے کہ ملزم نے تفتیش کے دوران بن قاسم ٹاؤن، گھگر پھاٹک اور دیگر علاقوں میں وارداتوں کا اعتراف کیا۔
ترجمان رینجرز کا یہ بھی کہنا ہے کہ ملزم 250 سے زائد وارداتوں میں 70لاکھ روپے، 12سو سے زائد موبائل فونز چھین چکا ہے۔ ملزم کو قانونی کارروائی کے لئے پولیس کے حوالےکردیا گیا ہے۔
Advertisement
ترجمان رینجرز کا مزید کہنا ہے کہ ملزم نے بھینس کالونی میں واقع دودھ کی دکان میں تیس لاکھ روپے کی ڈکیتی ماری تھی۔ دورانِ تفتیش صالح نے اپنے دیگر ساتھیوں کے نام بھی بتائے، جن کی گرفتاری کے لئے پولیس اور رینجرز چھاپے مار رہی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
