پی آئی اے کو کینیڈا کے لیے پاکستان سے براہ راست پروازیں چلانے کی اجازت مل گئی۔

تفصیلات کے مطابق کینیڈین حکام کی جانب سے  پی آئی اے کو دوبارہ براہ راست پروازیں شروع کرنے ‏کی ہدایات موصول ہو گئی ہیں ، 22 جون سے پی آئی اے کی پرواز براہ راست مسافروں کو لے کر کینیڈا ‏جاسکے گی۔

کینیڈین حکام نے پی آئی اے کے چیف ایگزیکٹو ائیر مارشل ارشد ملک کی وضع کردہ ایس او پی ‏پر اطمینان کا اظہار کرتے ہوئے براہ راست پروازوں کی اجازت کا فیصلہ کیا۔

ترجمان پی آئی اے کا کہنا ہے کہ پی ائی اے پہلے مرحلے میں ہفتہ وار تین پروازیں اتوار سے شروع کرے گا جبکہ دوسرے مرحلے میں پاکستان  سے کینیڈا کا آپریشن مکمل طور پر بحال کردیا جائے گا۔

ترجمان پی آئی اے کا مزید کہنا ہے کہ پروازیں کراچی، لاہور اور اسلام آباد سے روانہ ہوں گی۔ پروازوں پر بکنگ کھول دی گئی ہے اور لوگ بآسانی نشستیں حاصل کرسکتے ہیں۔

دوسری جانب کینیڈین وزیر ٹرانسپورٹ نے اپنے ایک بیان میں پاکستان پر کینیڈا کے سفر کی عائد پابندیاں ختم کرنے کا اعلان کیا ہے۔

کینیڈین وزیر ٹرانسپورٹ نے مزید کہا کہ کینیڈا نے پاکستان انٹرنیشنل ایئرلائن کی فلائٹس بحال کردی ہیں۔ کینیڈا نے سفری پابندی پاکستان سے اٹھائی ہے جبکہ بھارت پرپابندی برقرار رہے گی۔