پرچی چیئرمین ووٹ حاصل کرنے کیلئے بھارت کی بولی بول رہے ہیں، شہباز گِل

وریشہ مسعود

27th Jun, 2021. 10:07 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرچی چیئرمین ووٹ حاصل کرنے کیلئے بھارت کی بولی بول رہے ہیں، شہباز گِل

معاون خصوصی برائے سیاسی ابلاغ ڈاکٹر شہباز گِل نے کہا ہے کہ پرچی چیئرمین ووٹ حاصل کرنے کیلئے بھارت کی بولی بول رہے ہیں۔

تفصیلات کے مطابق معاون خصوصی برائے سیاسی ابلاغ ڈاکٹر شہباز گِل نے بلاول زرداری کے بیان پر ردعمل دیتے ہوئے کہا کہ جب کشمیریوں کیلئے جدوجہد کی باری آئے پرچی چیئرمین اسکرین سے غائب ہو جاتے ہیں۔

معاون خصوصی برائے سیاسی ابلاغ نے کہا کہ ووٹ لینے کی باری آئے سلیکٹڈ بلاول باولوں کی طرح کشمیر میں بھاگے پھرتے ہیں، کشمیر میں الیکشن جیتنے کیلئے ہمیشہ نفرت کی زبان بولی جاتی ہے۔

شہباز گِل نے یہ بھی کہا کہ کشمیر کے غیور عوام بیدار ہیں بھارتیوں کیلئے بھی اور موسمی سیاستدانوں کیلئے بھی، موصوف کی سیاسی پنگھوڑے میں آمد سے پہلے عمران خان نے کشمیریوں سے اظہار ِ یکجہتی کیا۔

معاون خصوصی برائے سیاسی ابلاغ ڈاکٹر شہباز گِل نے مزید کہا کہ وزیراعظم نے موصوف کے پرچی پر چیئرمین بننے سے پہلے کشمیر کے حقِ خودارادیت کیلئے آواز بلند کی۔