وزیر تعلیم سندھ سعید غنی نے کہا ہے کہ فواد چوہدری بڑی عجیب مخلوق ہیں۔
تفصیلات کے مطابق وزیر تعلیم سندھ سعید غنی نے وفاقی وزیر اطلاعات فواد چوہدری کے بیان پر ردِ عمل دیتے ہوئے کہا کہ فواد چوہدری پہلے بھی سندھ حکومت کو ہٹانے کی بات کرتے رہے ہیں۔
وزیر تعلیم سندھ نے کہا ہے کہ پی ٹی آئی کی مرکز میں مانگے تانگےکی حکومت ہے۔فوادچوہدری اتحادیوں کو حوصلہ دینے کے لئے ایسی باتیں کرتے ہیں۔
سعید غنی نے یہ بھی کہا کہ پیپلز پارٹی کو سیاسی انتقام کا نشانہ بنایا جارہا ہے، سندھ کے عوام وزیراعلیٰ سید مراد علی شاہ کے ساتھ ہیں۔
وزیر تعلیم سندھ کا کہنا تھا کہ ہماری حکومت اپنے ووٹوں پر قائم ہے۔ پاکستان پیپلز پارٹی آئین کی بالادستی، آئین کی بحالی اور پارلیمنٹ کی بالادستی کی بات کرتی ہے۔
Advertisement
سعید غنی کا یہ بھی کہنا تھا کہ پیپلز پارٹی آئین و قانون کے مطابق صوبہ چلارہی ہے جبکہ پنجاب میں بلدیاتی نمائندوں کو فارغ کردیا گیا تو سپریم کورٹ نے بلدیاتی نمائندوں کو بحال کرایا۔
وزیر تعلیم سندھ سعید غنی کا مزید کہنا تھا کہ آئین و قانون کی بات کرنے پر مراد علی شاہ کو پسند نہیں کیا جاتا۔وزیر اعلیٰ سندھ کا اپنے لوگوں کا دفاع کرنا جرم ہے تو وہ یہ جرم کرتے رہیں گے ۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
