آئندہ بجٹ پاکستانیوں کے لیے خوشحالی کی نوید لے کر آئے گا،فیاض الحسن چوہان

وریشہ مسعود

30th Jun, 2021. 06:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئندہ بجٹ پاکستانیوں کے لیے خوشحالی کی نوید لے کر آئے گا،فیاض الحسن چوہان

وزیر جیل خانہ جات پنجاب فیاض الحسن چوہان نے کہا ہے کہ آئندہ بجٹ اندرون و بیرون ملک پاکستانیوں کے لیے خوشحالی کی نوید لے کر آئے گا۔

تفصیلات کے مطابق وزیر جیل خانہ جات پنجاب فیاض الحسن چوہان نے اپنے ایک بیان میں کہا کہ وزیراعظم عمران خان کی قیادت میں ملکی تاریخ کا سب سے بڑا بجٹ پاس ہونا بڑی کامیابی ہے۔

فیاض الحسن چوہان نے کہا کہ بجٹ کے خلاف اپوزیشن کا سیسہ پلائی دیوار بننے کا دعویٰ ریت کی دیوار سے بھی کمزور نکلا۔

وزیر جیل خانہ جات پنجاب کا کہنا تھا کہ اپوزیشن صرف کھوکھلے نعروں اور دھونس سے بجٹ کو روکنے چلی تھی، ڈرائنگ روم سیاست کے بادشاہ وفاقی اپوزیشن لیڈر قومی اسمبلی نہ پہنچ سکے۔

فیاض الحسن چوہان کا یہ بھی کہنا تھا کہ بجٹ کے بعد اپوزیشن اپنی منفی اور مفاد پرست سیاست کے لیے کوئی اور شوشہ تلاش کرے۔

وزیر جیل خانہ جات پنجاب فیاض الحسن چوہان کا مزید کہنا تھا کہ وزیراعظم عمران خان کی بہتر معاشی پالیسیوں کے اثرات میگا انڈسٹریز اور گراس روٹ لیول تک یکساں ہونگے۔