ترجمان سندھ حکومت مرتضیٰ وہاب نے کہا ہے کہ شوکت خانم اسپتال میں مفت علاج نہیں ہوتا۔

تفصیلات کے مطابق ترجمان سندھ حکومت مرتضیٰ وہاب نے کراچی میں میڈیا سے بات کرتے ہوئے کہا کہ سندھ حکومت نے خیر پور گمبٹ انسٹیٹیوٹ بنایا ہے،اس کے تمام اخراجات سندھ حکومت برداشت کرتی ہے اور اس انسٹیٹیوٹ میں تمام علاج مفت کیا جاتا ہے۔

مرتضیٰ وہاب نے کہا کہ این آئی سی وی ڈی میں ملک بھر کے مریضوں کا علاج کیا جاتا ہے۔ ہم نے کوویڈ کے انفیکشن کے لئے اسپتال بنایا، شہری کوویڈ انفیکشن ڈیزیز کے اسپتال کو ترجیح دے رہے ہیں۔

[amazonad category=”Electronics”]

ترجمان سندھ حکومت نے یہ بھی کہا کہ سندھ حکومت کی جانب سے انڈس اسپتال کے لیے سالانہ 4 ارب روپے دیئے جاتے ہیں،اس کے باوجود وفاقی حکومت کے ترجمان کہتے ہیں کہ سندھ میں کچھ نہیں ہو رہا ہے۔

مرتضیٰ وہاب کا کہنا تھا کہ کراچی این آئی سی وی ڈی میں 58لاکھ 56ہزار سے زائد مریضوں کامفت علاج کیا گیا ہے جبکہ این آئی سی وی ڈی حیدر آباد، مٹھی ، سیہون، لاڑکانہ، گھوٹکی اور ٹنڈو الہیار میں بھی بنایا گیا، اب ان دور دراز علاقوں کے مریضوں کو کراچی آنا نہیں پڑتا۔

ترجمان سندھ حکومت مرتضیٰ وہاب کا مزید کہنا تھا کہ حیدرآباد میں آپتھومالوجی اسپتال میں شہریوں کا مفت علاج کیا جا رہا ہے،آپتھومالوجی آنکھوں کے اسپتال کےلیے 37 کروڑ روپے کی گرانٹ دی گئی، ٹراما سینٹر کےلیے 2 ارب روپے رکھے گئے،ایس آئی یوٹی انسانیت کی خدمت میں کسی سے پیچھے نہیں۔سندھ حکومت نے اس ادارے کیلئے 6 ارب روپے کی گرانٹ دی،اس سال ایس آئی یو ٹی کی گرانٹ میں ایک ارب کا اضافہ کیا گیا ہے۔