گور نر پنجاب چودھری محمد سرور  نے برطانوی وزیر برائے جنوبی ایشیا لارڈ طار ق احمد کی ملاقات ہے۔

تفصیلات کے مطابق ملاقات گور نر ہائوس مین ہوئی جس  میں برطانوی ہائی کمشنر کرسچن ٹرنر نے بھی شرکت کی، لارڈ طارق احمد اور بر طانوی ہائی کمشنر نے خطے میں امن کیلئے پاکستان کے کردار کو سراہا ہے۔

ملاقات میں گورنر پنجاب نے کہا ہے کہ دہشت گردی کیخلاف پاکستانی افواج اور عوام جیسی قر بانیوں کی کوئی اور مثال نہیں ملتی، وزیر اعظم عمران خان کی قیادت میں پاکستان آج بھی امن کیساتھ کھڑا ہے۔

چوہدری محمدسرور نے کہا ہے کہ مسئلہ کشمیر اور مسئلہ فلسطین کے حل کیلئے بر طانیہ کو اپنا کردار ادا کر نا چاہیے، پاکستان میں تعلیم اور صحت سمیت دیگر شعبوں میں بر طانوی تعاون قابل تحسین ہے۔

دوسری جانب برطانوی وزیر نے ملاقات میں کہا ہے کہ میرے دورہ پاکستان سے پاک برطانیہ دوستی کو مزید تقویت ملے گی، پاکستان کی معاشی ترقی اور استحکام کیلئے برطانیہ اپنا کردار ادا کر یگا۔

لارڈ طارق احمد نے کہا ہے کہ پاکستان میرے دل اور پس منظر سے قریب ایک ملک ہے اسکی ترقی چاہتے ہیں، عالمی آزمائشوں سے نمٹنے کیلئے کندھے سے کندھا ملا کر کھڑے ہونے کی ضرورت ہے۔

برطانوی ہائی کمشنر نے مزید کہا ہے کہ پاکستان میں تعلیم اور صحت سمیت دیگر شعبوں میں تعاون کو مزید فروغ دیا جائیگا۔