کراچی  کے علاقے  کنڈو گوٹھ میں سندھ رینجرزاور پولیس  نے مشترکہ کارروائی کی جس میں قتل میں لوث ملزم کو گرفتار کرلیا گیا ہے۔

اس ضمن میں سندھ رینجرز کے ترجمان کا کہنا ہے کہ 8 اکتوبر 2020 کو منگوپیر کے علاقے مائی گاڑی دربارمیں ثمینہ اقبال نامی خاتون کی لاش ملی جسے چھریوں کے وار سے قتل کیا گیا تھا۔

ذرائع نے بتایا کہ مقتولہ کے قتل کامقدمہ منگھوپیر تھانے میں نامعلوم ملزمان کے خلاف درج ہے جبکہ خاتون کی لاش ایدھی ہوم سے مقتولہ کے بھائی نے شناخت کرنے کے بعد تدفین کردی لیکن فوری طور پر کوئی گرفتاری عمل میں نہ لائی جا سکی۔

 سندھ رینجرز کے ترجمان نے بتایا کہ مقتولہ کے گھروالوں نے واقعے میں ملوث نا معلوم ملزم کی گرفتاری کے لیے رینجرز سے مدد کی اپیل کی ہے۔

ان کا کہنا ہے کہ سندھ رینجرز نے تحقیقات کے لیے خصوصی ٹیم تشکیل دی تھی، تحقیقاتی ٹیم نے قتل کے محرکات کا جائزہ لیتے ہو ئے تکنیکی ثبوت اور انٹیلی جنس معلومات کی بنیاد پر قتل میں ملوث ملزم سنی علی کو گرفتار کر لیا گیا ہے۔

تحقیقاتی ٹیم نے قتل کے محرکات کا جائزہ لیتے ہو ئے تکنیکی ثبوت اور انٹیلی جنس معلومات کی بنیاد پر قتل میں ملوث ملزم سنی علی کو گرفتار کر لیا گیا ہے۔

ترجمان سندھ ریجیرز کا کہنا ہے کہ دوران تفتیش ملزم نے انکشاف کیا کہ اس نے اپنی سابقہ بیوی ثمینہ اقبال کو چھری کے وار سے قتل کیا اور موقعہ واردات سے فرار ہو گیا ۔

ترجمان سندھ ریجرز کا مزید کہنا ہے کہ گرفتار ملزم کومزید قانونی کارروائی کے لیے پولیس کے حوالے کر دیا گیا ہے۔