اگر آپ کا موبائل فون، ٹیبلٹ یا لیپ ٹاپ چوری ہوجائے یا چھن جائے اور آپ کی ڈیوائس ان لاک ہوگئی تو پھر چور آپ کے گوگل اکاؤنٹ میں موجود تمام معلومات تک بہ آسانی رسائی حاصل کر سکتے ہیں۔

تفصیلات کے مطابق  گوگل نے چوری ہوجانے یا چھن جانے والی ڈیوائس سے گوگل اکاؤنٹ ڈیلیٹ کرنے کا طریقہ کار بھی وضع کر رکھا ہے اور یہ طریقہ ہم آپ کو بتائیں گے۔

 [amazonad category=”Mobile”]

1۔ اپنے موبائل یا کمپیوٹر پر کسی بھی براؤزر سے www.google.com ٹائپ کریں۔

2۔ پروفائل آئیکن پر کلک کرکے ’Manage your Google Account‘ کا آپشن منتخب کریں۔

3۔ سیکیورٹی ٹیب پرجائیں اور نیچے موجود ’Your Devices‘ سیکشن پر جا کر ’Manage your Google Account‘ آپشن پر کلک کریں۔

4۔ یہاں آپ کو ان تمام ڈیوائسز کی فہرست مل جائے گی جس پرآپ لاگ ان ہیں۔ جس ڈیوائس سے آپ سائن آؤٹ ہونا چاہتے ہیں، اسے منتخب کریں اور سیدھے ہاتھ پر، اوپر موجود تین نقطوں پر کلک کریں۔ ایک نیا ڈائلاگ باکس کھل جائے گا جس میں سائن آؤٹ، فائنڈ فون اور ’ڈونٹ ریکگنائز دس ڈیوائس‘ کا آپشن ظاہر ہورہا ہوگا۔ آپ سائن آؤٹ پر کلک کریں۔

5۔ ایک نیا ڈائیلاگ باکس کھلے گا جس میں تصدیق مانگی جائے گی کہ کیا آپ واقعی سائن آؤٹ کرنا چاہتے ہیں، سائن آؤٹ کو دبا دیں۔

6۔ اب جیسے ہی آپ کی چوری یا چھینی گئی ڈیوائس انٹرنیٹ سے منسلک ہوگی، آپ کا گوگل اکاؤنٹ ڈیلیٹ ہوجائے گا