پاکستان شوبز انڈسٹری کے میزبان اور اداکار حمزہ علی عباسی کی جانب سے فلموں میں شامل کیے جانے والے آئٹم نمبرز کو خواتین کی توہین قرار دے دیا گیا ہے۔

حال ہی میں حمزہ علی عباسی نے انٹرویو میں اپنی بچپن، جوانی، نجی و پیشہ ورانہ زندگی سے متعلق اپنے مداحوں کو بہت سے ایسے پہلوؤں سے روشناس کرایا ہے جو کہ اس سے قبل کسی کو معلوم نہیں تھے۔

[amazonad category=”Auto”]

شو کی میزبان کی جانب سے حمزہ علی عباسی سے فلموں کی ریٹنگ بڑھانے کے لیے آئٹم نمبرز کا سہارا لینے کے حوالے سے سوال کیا گیا۔

حمزہ علی عباسی  نے جواب دیتے ہوئے کہا کہ آئٹم سانگز پر پابندی ہونی چاہیے، کم از کم پاکستان میں آئٹم سانگز بند ہونے چاہئیں، آئٹم سانگز سراسر خواتین کی توہین ہیں۔

سابق اداکار حمزہ علی عباسی کا مزید کہنا تھا کہ عوام، بچے بوڑھے اتنا سیاستدانوں کو فالو نہیں کرتے ہیں جتنا فنکاروں کو فالو کرتے ہیں۔

انہوں نے کہا کہ اگر وہ قمیص پہنے بغیر کوئی تصویر بنوائیں اور سوشل میڈیا پر پوسٹ کریں یا پھر اگر کوئی ٹی وی ڈرامہ کی اداکارہ آئٹم سانگ کے لیے کم کپڑے پہنے تو بچوں کے ذہنوں پر کیا اثر پڑے گا۔

حمزہ علی عباسی نے اپنے انٹرویو کے دوران مزید کہا کہ آٹم سانگ کے گانے کے بول نہایت گندے ہوتے ہیں جو کہ صرف اُن کے خیال میں خواتین کی توہین ہے۔