بالی ووڈ اداکاراؤں کو جسم فروشی کے دھندے میں ملوث ہونے پر گرفتار کر لیا گیا ہے۔

 غیر ملکی خبر رساں ادارے کے مطابق گرفتاری کے بعد پولیس دعویٰ کر رہی ہے کہ جلد ہی اس گروہ کے کچھ اور افراد کو بھی گرفتار کیا جائے گا۔

پولیس نے مخبروں کی اطلاع پر بڑی کارروائی کرتے ہوئے نجی سوسائٹی میں چھاپہ مارا۔

چھاپہ مارنے یہ انکشاف ہوا کہ اس دھندے میں بالی ووڈ سے وابستہ دو اداکارائیں ملوث ہیں جنھیں موقع سے ہی گرفتار کر لیا گیا۔

پولیس ان دونوں اداکاراؤں کی جنسی ریکٹ سے وابستہ افراد کی جانچ پڑتال میں مصروف ہے۔

اس مکروہ دھندے میں ملوث یہ دونوں ملزم بالی ووڈ میں دوسرے درجے کی فنکار ہیں جنہوں نے چند فلموں میں منفی رول ادا کئے ہیں۔

اس حوالے سے میڈیا کا کہنا ہے کہ پولیس کو کافی عرصے سے اطلاعات تھیں کہ ممبئی سے ملحقہ علاقے پانچ پکھاڑی کی حدود میں جسم فروشی کا کھلم کھلا دھندہ چلایا جا رہا ہے۔

دونوں اداکاراؤں نے پولیس کو دیئے گئے اپنے ابتدائی بیان میں کہا کہ کورونا وائرس کے دوران لاک ڈاؤن کی وجہ سے وہ بے روزگار تھیں، انہوں نے مالی بحران سے نکلنے کے لئے یہ پیشہ اپنایا۔

سینئر انسپکٹر کوکنے نے دو اداکاراؤں دو خواتین ایجنٹ اور ایک مرددلال سمیت پانچ افراد کو گرفتار کیا۔

 ملزم کے خلاف مقدمہ درج کرلیا گیا ہے اور مزید تفتیش کرائم برانچ کے ذریعہ کی جارہی ہے۔