ماضی کی مقبول بولی وڈ سپر ہیروئن کرشمہ کپور نے شوبز انڈسٹری میں خود کے 30 سال مکمل ہونے پر مداحوں کے ساتھ اپنی پہلی فلم کی یادگار تصویر شیئر کرتے ہوئے خوشی کا اظہار کیا ہے۔

غیر ملکی خبر رساں ادارے کے مطابق کرشمہ کپور نے 22 جون کو انسٹاگرام پر اپنی پہلی فلم ’پریم قیدی‘ کے ایک منظر کی تصویر شیئر کرتے ہوئے بتایا کہ انہیں شوبز میں آئے ہوئے 30 سال مکمل ہوگئے۔

[amazonad category=”Electronics”]

کرشمہ کپور کی پہلی فلم ’پریم قیدی‘ 22 جون 1991 میں ریلیز ہوئی تھی اور اس کی کامیابی کے بعد ان کی دوسری فلم ’پولیس افسر‘ آئی، اور ا س نے بھی اتنی ہی کامیابی سمیٹی۔

انہوں نے کیریئر کے آغاز میں ہی ایک کے بعد ایک کامیاب فلم دی اور ان کا شمار 1990 سے 2005 کی سپر ہیروئنز کیا جاتا ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Karisma Kapoor (@therealkarismakapoor)

کرشمہ کپور نے اپنے کیریئر میں اکشے کمار، سنجے دت، اجے دیوگن، انیل کپور، سنی دیول ، گووندا، سلمان خان، عامر خان اور شاہ رخ خان کے ساتھ بھی کام کیا۔

انہوں نے اپنا کیریئر ختم ہونے سے قبل ہی 2003 میں صنعت کار سنجے کپور سے شادی کی اور پھر کچھ عرصے کے لئے شوبز سے دور ہوگئیں۔

کرشمہ کپور کے ہاں 2005 میں بیٹی سمیرا اور 2010 میں بیٹا کیان ہوا، جس کے بعد ان کے اور شوہر کے درمیان کشیدگی بڑھتی گئی اور 13 سال میں ہی ان کی طلاق ہوگئی۔

ڈی این اے انڈیا کے مطابق شوہر سے طلاق کے بعد کرشمہ کپور نے ایک انٹرویو میں حیران کن انکشافات کرتے ہوئے دعویٰ کیا تھا کہ شوہر نے انہیں پیسوں کے عوض بیچا تھا۔

کرشمہ کپور آخری بار شاہ رخ خان کی 2018 کی فلم ’زیرو‘ میں مختصر طور پر دکھائی دی تھیں، اس سے قبل 2013 کی فلم ’بامبے ٹاکیز‘ میں بھی وہ مختصر کردار میں دکھائی دی تھیں۔

واضح رہے کہ اداکارہ نے اپنے 30 سالہ کیریئر میں 6 درجن کے قریب فلموں میں کام کیا اور متعدد ایوارڈز اپنے نام کیے۔