وزیر خارجہ ترکی کا دورہ مکمل کر کے وطن واپس روانہ

وریشہ مسعود

20th Jun, 2021. 09:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر خارجہ ترکی کا دورہ مکمل کر کے وطن واپس روانہ

وزیر خارجہ شاہ محمود قریشی ترکی کا تین روزہ دورہ مکمل کر کے واپس وطن روانہ ہوگئے۔

استنبول ہوائی اڈے پر ترک وزارت خارجہ کے حکام، پاکستانی سفیر سائرس قاضی، سینئر افسران نے الوداع کیا۔

وزیر خارجہ شاہ محمود قریشی نے ترک ہم منصب کی دعوت پر انتالیہ سفارتی فورم میں شرکت کی۔

فورم کے موقع پر وزیر خارجہ شاہ محمود قریشی نے مختلف ممالک کے وزرائے خارجہ، اعلیٰ قیادت سے ملاقاتیں کیں۔

واضح رہے اس سے قبل وزیر خارجہ مخدوم شاہ محمود قریشی نے انتالیہ میں ترکی کے وزیر خارجہ میولوت چاوش اوغلو سے ملاقات کی تھی جس میں دو طرفہ تعلقات ، کثیرالجہتی شعبہ جات میں تعاون سمیت باہمی دلچسپی کے اہم علاقائی و عالمی امور پر تبادلہ خیال کیا گیا تھا۔

وزیر خارجہ نے انطالیہ سفارتی فورم کے کامیاب انعقاد پر ترک ہم منصب کو مبارکباد دی اور بہترین انتظامات پر ان کا شکریہ ادا کیا تھا۔

ترک وزیر خارجہ نے انطالیہ سفارتی فورم کے زیر اہتمام منعقدہ مذاکرے بعنوان “ایشیا و علاقائی روابط” میں وزیر خارجہ مخدوم شاہ محمود قریشی کے خطاب کی تعریف کی تھی۔