وفاقی وزیر برائے منصوبہ بندی اسد عمر نے کہا ہے کہ ملک کے ہر شہر کا سب سے بڑا مسئلہ پانی ہے۔
تفصیلات کے مطابق وفاقی وزیر برائے منصوبہ بندی اسد عمر نے اپنے ایک بیان میں کہا کہ پانی کے شعبے کے لئے 10 فیصد فنڈز رکھے جا رہے ہیں جبکہ ٹرانسپورٹ اورتوانائی کے لئے 56 فیصد فنڈز رکھے جائیں گے۔
انہوں نے کہا کہ صحت اور تعلیم کے شعبوں میں مزید سرمایہ کاری کی ضرورت ہے۔
اسد عمر نے یہ بھی کہا کہ حکومت اگلے ترقیاتی منصوبوں پر 900 ارب خرچ کرے گی۔
وفاقی وزیر کا کہنا تھا کہ 40 فیصد فنڈز بجلی اور سڑکوں کی تعمیر پر خرچ ہوں گے۔
انہوں نے کہا کہ ملک کے تمام علاقوں کو یکساں ترقی ملنی چاہئیے۔
اسد عمر نے یہ بھی کہا کہ پیدواری شعبے کو آگے بڑھانے کی ضرورت ہے۔
وفاقی وزیر کا کہنا تھا کہ اس بار 90 ارب سندھ کے ترقیاتی منصوبوں کے لئے رکھے ہیں، وفاقی بجٹ میں سندھ کو بھرپور حصہ مل رہا ہے۔
انہوں نے کہا کہ پنجاب کی آبادی سندھ سے دو گنا ہے جبکہ پنجاب کے ترقیاتی منصوبوں کے لئے 93 ارب رکھے ہیں۔
اسد عمر نے یہ بھی کہا کہ قوموں کو ٹینکوں اور توپوں سے متحد نہیں رکھا جا سکتا۔
وفاقی وزیر کا کہنا تھا کہ کراچی سرکلر ریلوے منصوبہ سرکاری و نجی فنڈز کے تحت مکمل ہو گا۔
انہوں نے کہا کہ موٹرویز، ہائی ویز اور ایئرپورٹس کی تعمیر پر 244 ارب خرچ ہوں گے۔
اسد عمر نے یہ بھی کہا ہائیر ایجوکیشن کے لئے 44 ارب روپے رکھے جا رہے ہیں۔
وفاقی وزیر برائے منصوبہ بندی اسد عمر کا مزید کہنا تھا کہ سرکاری شعبے کے ترقیاتی پروگرام کا حجم 2 ہزار 201 ارب ہو گا جبکہ پی ایس ڈی پی کا حجم رواں مالی سال کے مقابلے میں 36 فیصد سے زائد ہو گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News