کنزہ ہاشمی ایمن اور مِنال میں کنفیوز

اریبہ نثار

20th Jun, 2021. 06:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کنزہ ہاشمی ایمن اور مِنال میں کنفیوز

پاکستان شوبز انڈسٹری کی نوجوان اور خوبرو اداکارہ کنزہ ہاشمی شوبز انڈسٹری کی معروف جڑواں بہنوں سے کنفیوز ہو گئیں۔

حال ہی میں کنزہ ہاشمی نے ایک ویب شو میں شرکت کی جہاں اُنہوں نے اپنی زندگی کا ایک دلچسپ واقعہ مداحوں کے ساتھ شیئر کیا۔

[amazonad category=”Auto”]

کنزہ ہاشمی نے بتایا کہ اُن کی زندگی میں ایک وقت ایسا بھی آیا تھا کہ جب اُنہوں نے منال خان کو ایمن سمجھ کر اُن سے بات چیت شروع کردی تھی۔

اداکارہ نے کہا کہ میں منیب بٹ کے ساتھ ڈرامے کی شوٹنگ کررہی تھی اور ہم نے اسی دوران فلم دیکھنے کا پلان بنایا تھا۔

کنزہ ہاشمی نے کہا کہ سیٹ پر مِنال خان آئیں تو میں اُنہیں ایمن خان سمجھ بیٹھی اور میں نے اُن سے کہا کہ جس دن ہم فلم دیکھنے جائیں، اُس دن ہماری ملاقات ہوگی جس پر مِنال خان نے حامی بھر لی اور کہا ٹھیک ہے۔

کنزہ ہاشمی نے کہا کہ اُس کے بعد جب ہم فلم دیکھنے گئے تو وہاں اداکارہ ایمن اور اداکار منیب بٹ ساتھ آئے ہوئے تھے، میں نے ایمن سے کہا، فلم دیکھنے کے حوالے سے ہماری اُس دن بات ہوئی تھی جس پر ایمن نے صاف انکار کردیا کہ میری تو تُم سے اس بارے میں کوئی بات نہیں ہوئی۔

اداکارہ نے مزید کہا کہ اس واقعے کے بعد، میں نے دوست سے میسج کرکے پوچھا کہ اُس دن ہماری ملاقات ایمن سے ہوئی تھی؟ جس پر دوست نے کہا نہیں وہ منال خان تھی۔