گرمیاں آتے ہی لوگوں کو گرمی دانوں کی شکایات کا سامنا ہوتا ہے۔

آج آپ کو گرمی دانوں کے حوالے سے بتائیں گے کہ انہیں کس طرح کم کیا جا سکتا ہے۔

 [amazonad category=”Mobile”]

طبی ماہرین کے مطابق روزمرہ کی چیزوں سے گرمی دانوں کو کم کیا جا سکتا ہے۔

پسینہ گرمی میں گرمی دانوں کے لیے فائدہ مند ہوتا ہے، ایسے میں ہلکے اور کھلے لباس پہنیں۔

 اس کے علاوہ پسینہ خشک کرنے کے لیے بہترین انتظامات کریں، پسینہ آتے ہی خشک کرلیں۔

آسان طریقے:

فائدہ مند پھل:

میٹھے انار کا جوس اور تربوز گرمی دانوں کو کم کرنے میں مدد کر سکتا ہے۔

 اس کے علاوہ سنگترے کی کاشوں پر شہد لگا کر کھانے سے گرمی دانے کم ہو سکتے ہیں۔ پھلوں کے سرکہ میں تھوڑا سا پانی شامل کر کے گرمی دانوں پر لگانے سے فائدہ ہو سکتا ہے۔

جبکہ ہر آدھے گھنٹے بعد پانی کا استعمال گرمی دانوں کو کم کرنے میں مددگار ثابت ہو سکتا ہے۔

گھر کا پاؤڈر:

گرمی دانوں کو آپ گھر کے بنے پاؤڈر سے بھی ختم کر سکتے ہیں، اس کے لیے آپ کو رال سفید، پہاڑی پودینہ اور کافور کی دو گولیاں درکار ہونگی۔

ایک کپ میں پسے ہوئے رال سفید میں آدھا کپ پسا ہوا پہاڑی پودینہ ڈال دیں اور پھر کافور کی پسی ہوئی دو گولیاں شامل کرلیں، ان سب اجزا کو اچھی طرح باریک پیس لیں۔ پسے ہوئے مکسچر کو چھان کر ایک ٹیلکم پاؤڈر میں ملا لیں اور بوتل میں بھر کر رکھ لیں۔

یاد رہے کہ اگر گرمی دانے زیادہ نکلتے ہیں تو رال سفید کی مقدار کو تھوڑا بڑھا سکتے ہیں۔