بالی ووڈ کے مشہور اداکار انیل کپور بھی پاکستانی اداکارہ اور کامیڈین حنا دلپزیر کے مداح نکلے۔

اداکارہ حنا دلپزیرنے مشہور ڈراموں میں اداکاری کے جوہر دکھا کر اپنی صلاحیتوں کو ثابت کیا اور یہ ہی وجہ ہے کہ ان کے مداح سرحد پار بھارت میں بھی موجود ہیں۔

 [amazonad category=”Electronics”]

چند سال پہلے بھارتی اداکار انیل کپور کا دیا ہوا یک بیان سوشل میڈیا پر وائرل ہو رہا ہے۔

اداکار نے انٹرویو میں کہا تھا کہ پاکستان میں ہنر کی کمی نہیں، اگر پلیٹ فارم مہیا کیا گیا تو کوئی ہنر پاکستانی فنکاروں، گلوکاروں، موسیقاروں، اداکاروں اور اداکاراؤں سے مقابلہ نہیں کرسکتا۔

اداکار انیل کپور نے پاکستانی فنکاروں کی صلاحیتوں کو سراہتے ہوئے کہا تھا کہ پاکستانی ڈرامہ انڈسٹری کی معروف اداکارہ اور کامیڈین حنا دلپزیر نے انہیں بہت متاثر کیا، انہوں نے حنا دلپزیر کو ’آرٹ دیوا‘ قرار دیا تھا۔

اس وقت بھارت میں اپنی ٹی وی سیریز 24 لانچ کرنے والے اداکارانیل کپور کا کہنا تھا کہ وہ حنا کو ایک متاثر کن شخصیت سمجھتے ہیں۔

پاکستان کے لیے قابلِ فخر  بات یہ ہے کہ بھارتی اداکار اپنی اکیڈمی میں طلبہ کو مختلف کرداروں کو مختلف طریقوں سے ادا کرنے کے فن کو سیکھانے کے لیے ان کی حوصلہ افزائی کرنے کے لیے حنا کی اداکارانہ صلاحیتوں کی مدد لیتے ہیں۔