جوہر ٹاؤن دھماکے کی ابتدائی تحقیقاتی رپورٹ تیار کرلی گئی ہے،۔

جوہر ٹاؤن دھماکے کی ابتدائی تحقیقاتی رپورٹ تیار

وریشہ مسعود

23rd Jun, 2021. 07:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جوہر ٹاؤن دھماکے کی ابتدائی تحقیقاتی رپورٹ تیار

جوہر ٹاؤن دھماکے کی ابتدائی تحقیقاتی رپورٹ تیار کرلی گئی ہے، تحقیقاتی اداروں نے رپورٹ آئی جی پنجاب کو پیش کر دی۔

تفصیلات کے مطابق جوہر ٹاؤن دھماکے کی ابتدائی تحقیقاتی رپورٹ کے مطابق ایک کار میں 15 سے 20 کلوگرام غیر ملکی دھماکہ خیز مواد استعمال ہوا، نقصان کی شدت میں اضافے کیلئے بارودی مواد کے ساتھ بال بیئرنگ اور کیل کا استعمال بھی کیا گیا۔

ابتدائی رپورٹ میں کہا گیا ہے کہ دھماکے کی جگہ 3 فٹ گہرا اور 8 فٹ چوڑا گڑھا پڑا، دھماکے سے 100 مربع فٹ کا علاقہ تباہ ہوا۔

تحقیقاتی اداروں نے رپورٹ آئی جی پنجاب کو پیش کر دی، آئی جی پنجاب اور دیگر اعلیٰ حکام یہ رپورٹ وزیر اعلیٰ کو پیش کریں گے۔

دوسری جانب آئی جی پنجاب انعام غنی نے اپنے بیان میں کہا کہ دھماکا گھر کے باہر کھڑی گاڑی میں ہوا، جس سے کئی مکانات کو نقصان پہنچا، کئی راہ گیر بھی زخمی ہوئے۔ دھماکا ملک دشمن عناصر کی کارروائی ہے، سی ٹی ڈی تحقیقات کر رہی ہے۔

آئی جی پنجاب نے مزید کہا کہ ہائی ویلیو ٹارگٹ شخصیت کے گھر کے قریب پولیس پکٹ ہے، اسی لیے گاڑی گھر کے قریب نہیں جا پائی، میرا خیال ہے کہ اسی لیے ٹارگٹ پولیس ہے۔