پاکستان شوبز انڈسٹری کے اداکارہ منیب بٹ نے اپنی اہیہ ایمن خان کے بات کرنے کے انداز پر بات کر لی۔

حال ہی میں اداکار منیب بٹ نے ایک نجی پروگرام میں شرکت کی جہاں میزبان کی جانب سے کیے جانے والے سوال کے جواب میں اداکار نے بتایا کہ ایمن کا مجھے سے شادی کے بعد بھی بات کرنے کا انداز دوستوں والا ہی ہے۔

منیب بٹ نے بتایا کہ مداحوں کا اُن کی اہلیہ ایمن خان سے متعلق ماننا ہے کہ ایمن خان کو اپنے شوہر سے بات کرنے کی تمیز نہیں ہے۔

منیب بٹ نے بتایا کہ وہ اور ایمن خان حال ہی میں ایک شو میں گئے جہاں ایمن خان اسکرین پر بھی اُن سے ویسے ہی بات کر رہی تھیں جیسے کہ عام روٹین میں بات کرتی ہیں۔

تاہم اُس شو کے کمنٹ سیکشن میں اُن کے بہت سے مداحوں نے لکھا کہ ایمن خان کو اپنے شوہر سے بات کرنے کی تمیز نہیں ہے۔

منیب بٹ نے کہا کہ میاں بیوی میں ہمیشہ دوستی والا رشتہ ہونا چاہیے ورنہ انسان شادی سے دوسرے دن ہی تنگ آ جاتا ہے۔

اداکار منیب نے بتایا کہ وہ شادی سے پہلے ایمن کے بہت اچھے دوست تھے اور اس ہی وجہ سے شادی کے بعد بھی ان کے درمیان وہ ہی دوستی قائم ہے۔

انہوں نے بتایا کہ ایمن خان اُنہیں نام سے مخاطب کرتی ہیں اور بالکل روایتی بیویوں جیسے انداز سے ہٹ کر سب کے سامنے بھی اُن سے کھُل کر دوستوں کی طرح نام سے پکار کر بات کرتی ہیں۔

منیب نے اپنی بھابھی کے بارے میں بتایا اُن کی بھابی بھی اپنے شوہر کو نام سے نہیں پکارتیں اور آپ سے مخاطب کرتی ہیں۔

 جبکہ ایمن خان اس کے بالکل برعکس ہیں جس کی وجہ یہ ہے کہ وہ شادی سے پہلے  سے ایک دوسرے کے دوست رہ چکے ہیں اور وہ ایک دوسرے سے بہت مذاق بھی کرتے ہیں۔