بول نیوز کی خبر پر ایس ایس پی کورنگی نے ایکشن لیتے ہوئےعوامی کالونی تھانے میں رضوان رشید نامی شہری پر تشدد کی تحقیقات کا حکم دے دیا ہے۔

ایس ایس پی کورنگی کے مطابق فوری طور پر واقعے کی انکوائری کا حکم دے دیا گیا ہے ایس پی کورنگی انکوائری کرے گی۔

ایس ایس پی کورنگی نے کہا کہ ابتدائی طور پر اہلکار زیشان کو معطل کر دیا ہے مزید جو بھی ذمہ دار ہو گا کارروائی ہو گی۔

شہری رضوان کو ڈکیتوں سے مزاحمت کرنا مہنگا پڑ گیا جبکہ ڈکیت عوامی کالونی ایس ایچ او کا ڈرائیور نکلا ۔

شہری رضوان پر بدترین تشدد کیا  اور نازک عضاء کو نشانہ بنایا گیا۔

شہری رضوان رشید نے مدد کے لئے بول نیوز سے رابطہ کیا جس کا ویڈیو بیان موصول ہو گیا ہے۔

شہری رضوان نے بتایا کہ میں زمان ٹاون تھانے کی حدود میں کام کے سلسلے میں جارہا تھا کہ چائینہ گراونڈ کے قریب دو مسلح موٹر سائیکل سوار نے روکا وہ دونوں ملزمان نے اسلحہ تانا ہوا تھا ،میں نے مزاحمت کی تو لوگوں نے  ملزمان کو پکڑ لیا ۔

ون فائیو پر اطلاع دیتے ہی  پولیس نے ملزمان کو حراست میں لے لیا اور اسی وقت ایس ایچ عوامی کالونی ہمایو بھی وہاں آگئے اور زمان ٹاون کی حدود ہونے کے باوجود مجھے عوامی کالونی تھانے لے کر گئے ۔

تھانے میں پتہ چلا کہ ایک ملزم ایس ایچ او عوامی کالونی کا ڈرائیور زیشان اگی ہے جبکہ دوسرا منان منشیات فروش ہے۔

تھانے کے گیٹ سے مجھے حسنین پولیس والا اندر لے کر گیا اور پولیس والوں نے تشدد شروع کردیا ،میرا پورا جسم زخمی کر دیا نازک عضاء پر ڈنڈے برسائے میں نے ایس ایس پی اور کمپلین پولیس نمبر پر اطلاع دی ہے ۔

پولیس اہلکاروں نے مجھے دھمکی دے کر چھوڑا تھا مگر میں بول نیوز سے مدد کی اپیل کرتا ہوں کہ آئی جی سندھ نوٹس لیں۔

میں نے ایس ایس پی کو درخواست دی ہے پر میرے خلاف عوامی پولیس نے جھوٹا مقدمہ درج کردیا ہے ۔

بول نیوز کو ون فائیو پولیس کے ہاتھوں اہلکار زیشان عرف اگی کی ویڈیو موصول ہو گئی ہے جبکہ فوٹیج میں دیکھا جاسکتا ہے کہ شہریوں کی بڑی تعداد کی موجودگی میں پولیس زیشان عرف اگی کو موبائل میں ڈال رہی ہے۔