پھلوں کا بادشاہ بھی ملاوٹ مافیا سے بچ نہ سکا۔

تفصیلات کے مطابق پنجاب فوڈاتھارٹی ممنوعہ کیمیکل سے پھل پکانے والوں کے خلاف متحرک  تھے، جس میں صوبہ بھر کی 68 منڈیوں کے527 سٹالزکی چیکنگ، 328 کو نوٹسزجاری، 1345کلو آم تلف کی گئی ہیں۔

اس ضمن میں رفاقت علی نسوارآنہ کا کہنا ہے کہ لاہور میں 155،راولپنڈی 134 جبکہ جنوبی پنجاب میں 128 کولڈ سٹورز، سٹالز کی چیکنگ کی گئی اور مختلف منڈیوں کو تلف کیا گیا ان منڈیوں میں پھلوں کو جلد پکانے کیلئے ممنوعہ کیلشیئم کاربائیڈ کا استعمال کیا گیا تھا۔

 انھوں نے کہا کہ موسم گرما میں آم کی زیادہ مانگ کے باعث جلد پکانے کیلئے ممنوعہ کیمیکل کا استعمال کیا جاتا ہے کیلشیئم کاربائیڈ میں موجود آرسینک اور فاسفورس کے ذرات کینسر سمیت متعدد بیماریوں کا باعث بنتے ہیں۔

ان کا کہنا ہے کہ عوام سے گزارش ہے کہ کیلشیئم کاربائیڈ سے پکے پھل خریدنے سے گریز کریں۔

رفاقت علی نسوارآنہ کا کہنا ہے کہ موسم گرما میں آم کی زیادہ مانگ کے باعث جلد پکانے کیلئے ممنوعہ کیمیکل کا استعمال کیا جاتا ہے۔

ڈی جی اتھارٹی نے بتایا ہے کہ پنجاب فوڈاتھارٹی صوبہ بھر میں معیاری خوراک کی فراہمی کیلئے کوشاں ہے اور صوبہ بھر میں خوراک کے ہر پہلو پر نظر رکھنے کیلئے تما م وسائل بروئے کا ر لائے جارہے ہیں۔

 ڈی جی اتھارٹی کا مزید کہنا ہے کہ وزیراعلیٰ پنجاب کی ہدایت میں خوراک کے معیار کو صحت بخش بنانے کیلئے آگاہی مہم پر بھی کام جاری ہے۔