آرمی چیف جنرل قمر جاوید باجوہ نے کہا ہے کہ سماجی،اقتصادی ترقی کے فروغ کیلئے ہر ممکن اقدامات کئےجائیں گے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نے کور ہیڈکوارٹرز کوئٹہ کا دورہ کیا جہاں کور کمانڈرکوئٹہ لیفٹیننٹ جنرل سرفراز علی نے آرمی چیف کا استقبال کیا۔
آئی ایس پی آر کے مطابق دورے میں آرمی چیف کو سیکیورٹی صورتحال،پیشہ ورانہ تیاریوں اور پاک فوج کے صوبائی حکومت کے ساتھ سماجی واقتصادی ترقی کے اقدامات پر بریفنگ دی گئی۔
آئی ایس پی آر کا کہنا ہے کہ آرمی چیف کو امن و استحکام کےاقدامات پر بریفنگ دی جبکہ آرمی چیف کو پاک ایران،پاک افغان بارڈر پر باڑ لگانے کے عمل پر بھی بریفنگ د ی گئی۔
آئی ایس پی آر کا یہ بھی کہنا ہے کہ دورے میں آرمی چیف نے افسروں وجوانوں کی سنجیدہ کوششوں اور بلندعزم کو سراہا اور امن کیلئے صوبائی حکومت سے تعاون کی ہدایت بھی کی۔
آرمی چیف جنرل قمر جاوید باجوہ نے کہا کہ سماجی،اقتصادی ترقی کےفروغ کیلئے ہرممکن اقدامات کئےجائیں گے، پاک فوج دیرپاامن کیلئے تمام کوششیں کریگی۔
آرمی چیف جنرل قمر جاوید باجوہ نے مزید کہا کہ دہشتگردوں کو امن متاثر کرنےکی ہرگزاجازت نہیں دی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
