وہاج علی کی کامیابی کے پیچھے کس عورت کا ہاتھ؟ اداکار نے بتا دیا

اریبہ نثار

11th Jun, 2021. 11:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وہاج علی کی کامیابی کے پیچھے کس عورت کا ہاتھ؟ اداکار نے بتا دیا

پاکستان شوبز انڈسٹری کے معروف اداکار وہاج علی نے بتا دیا کہ ان کی کامیابی کے پیچھے آخر کس کا ہاتھ ہے۔

اداکار وہاج علی نے اپنے حالیہ انٹرویو کے دوران بتایا ہے کہ وہ اپنی کامیابی کا سہرا اپنی اہلیہ کے سر باندھتے ہیں، اُن کی کامیابی کا راز اُن کی اہلیہ کا ہر مشکل وقت، ہر فیصلے میں ساتھ ہونا ہے۔

وہاج علی نے اپنی اہلیہ کی تعریف کرتے ہوئے کہا ہے کہ ’اگر آج وہ ایک اداکار ہیں تو اپنی اہلیہ کی وجہ سے ہیں۔

انہوں نے بتایا کہ وہ جب برے حالات سے نا امید ہو جاتے ہیں یا ہمت چھوڑ بیٹھتے ہیں تو اُن کی اہلیہ ہی اُن کی امید بندھاتی ہیں اور اُن کی دلجوئی کرتی ہیں۔

اداکار نے بتایا کہ اُن کی اہلیہ برے حالات میں اُنہیں اچھے اور بہتر وقت کے آنے کا بتاتی ہیں اور حوصلہ دیتی ہیں، یہی وجہ ہے کہ وہ آج ایک کامیاب اداکار ہیں۔

وہاج علی نے مزید بتایا کہ اگر اُن کی اہلیہ اُن کا اتنا ساتھ نہ دیتی اور اُن کی زندگی میں اُن کا حوصلہ نہیں بنتی تو وہ آج کوئی اور کام کر رہے ہوتے۔

اداکار وہاج علی آج کل پاکستانی ڈرامہ انڈسٹری کے ہر دوسرے ڈرامے میں اہم ترین کرداروں میں نظر آتے ہیں۔