پی ٹی آئی حکومت نے بلدیاتی اداروں کو وقت سے پہلے تحلیل کر دیا، ناصر حسین شاہ

سوشل میڈیا

14th Jun, 2021. 10:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی حکومت نے بلدیاتی اداروں کو وقت سے پہلے تحلیل کر دیا، ناصر حسین شاہ

سید ناصرحسین شاہ کا کہنا ہے کہ پی ٹی آئی حکومت نے بلدیاتی اداروں کو وقت سے پہلے تحلیل کر دیا ہے۔

تفصیلات کے مطابق وزیر اطلاعات سندھ سید ناصر حسین شاہ نے اپنے جارہ کردہ بیان میں کہا کہ سندھ میں بلدیاتی اداروں نے اپنی مدت مکمل کی ہے اور نئے انتخابات کیلئے کام شروع ہوچکا ہے، فواد چوہدری کس مونہ سے سندھ میں بلدیاتی اداروں کو فعال کرنے کی بات کر رہے ہیں۔

ان کا کہنا ہے کہ سید خورشید شاہ کے بیٹے سید فصیح شاہ کی گرفتاری قابل مذمت ہے، سید خورشید شاہ کی فیملی کے ساتھ جتنی زیادتی ہوئی ہے وہ قابل مذمت ہے۔

ناصر حسین شاہ نے سوال پوچھتے ہوئے کہا کہ کیا عمران حکومت نے پنجاب ،کے پی کے اور بلوچستان میں بلدیاتی اداروں کو کام کرنے دیا؟ پنجاب میں عدالت کے حکم پر بلدیاتی ادارے بحال کئے گئے؟ اس کے باوجود پی ٹی آئی حکومت پنجاب میں بلدیاتی اداروں کو کام کرنے نہیں دے رہی ہے۔

سید ناصر حسین شاہ نے کہا کہ پی ٹی آئی حکومت کو آئین، قانون اور جمہوری روایات کا کچھ پتا نہیں ہے، پی ٹی آئی کے وزراء جو منہ میں آتا ہے وہ بول لیتے ہیں۔

انھوں نے مزید کہا کہ گورنر راج کی بات کرنا فواد چودھری کی ذہنی پسماندگی کی عکاسی ہے۔