یوٹیلٹی اسٹورز انتظامیہ کی ماہ رمضان میں ناقص کجھوروں کی خریداری

انوشہ شیخ

03rd Jun, 2021. 02:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یوٹیلٹی اسٹورز انتظامیہ کی ماہ رمضان میں ناقص کجھوروں کی خریداری

اسلام آباد میں یوٹیلٹی اسٹورز انتظامیہ کی جانب سے ماہ رمضان میں ڈیمانڈ سے زیادہ اور ناقص کجھوروں کی خریداری کی گئی تھی۔

تفصیلات میں بتایا گیا ہے کہ ماہ رمضان میں یوٹیلیٹی اسٹورز کی کجھوریں فروخت نہ ہوسکی تھی جس کی وجہ سے ناقص کجھوروں کا اسٹاک دھرے کا دھرا رہ گیا ہے۔

ذرائع کے مطابق یوٹیلٹی اسٹور انتظامیہ نے کجھوروں کے پیکٹ چینی کے پیکٹ کے ساتھ نتھی کردے ہیں یعنیٰ دو کلو سبسڈائز کی چینی خریدنے کے لیے کجھور کا پیکٹ بھی خریدنا لازمی قرار دے دیا گیا ہے۔

136 روپے میں ملنی والی چینی کسٹمر کو کجھور سمیت 226 روپے میں پڑنے لگی ہے جبکہ یوٹیلیٹی اسٹور کی 180 روپے والی سے بہتر کوالٹی کی کجھور مارکیٹ میں 150 روپے موجود ہے۔

شہریوں نے شدید برہمی کا اظہار کرتے ہوئے کہا کہ کیا عوام کو انصاف دینے کی دعویدار حکومت ناقص خریداری پر ذمے داروں کا تعین کر پائے گی؟ غریب عوام کے لئے گھر کی ضروری اشیاء کے اخراجات پورے کرنا مشکل ہیں ، تو گرمی میں ناقص کجھوریں ساتھ لے جاکر کیا کریں گے۔

واضح رہے کہ عوام کے مطابق ماہ رمضان میں غریب عوام کے لئے ناقص کجھوریں خرید کر کمیشن کمایا گیا ہے۔