ملک میں کورونا وائرس کے کیسز میں اضافے کے بعد ایران نے پاکستان کے ساتھ اپنی سرحد ایک مرتبہ پھر غیر معینہ مدت کے لئے پھر بند کردی۔
تفصیلات کے مطابق ایرانی شہر زاہدان میں کورونا وائرس دوبارہ پھیلنے کے بعد تفتان سرحد بند کردی گئی، پاک ایران سرحد بند ہونے سے دونوں جانب سے سفری سرگرمیاں معطل کر دی گئیں۔
ذرائع کا کہنا ہے کہ ایرانی انتظامیہ نے تفتان سرحد پر موجود انتظامیہ اور ایف آئی اے حکام کو فیصلے سے زبانی آگاہ کر دیا جبکہ تحریری طور پر کل آگاہ کیا جائے گا۔
ذرائع کا یہ بھی کہنا ہے کہ ایران جانے کے لئے استعمال ہونے والا ریمدان بارڈر پہلے ہی بند کیا جا چکا ہے جبکہ ایران سے واپس لوٹنے والوں کو سرحد پار کرنے دی جا رہی ہے۔
ذرائع کا مزید کہنا ہے کہ امیگریشن گیٹ کی اچانک بندش سے کئی ایران جانے کے خواہشمند متعدد افراد تفتان سرحد پر پھنس گئے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
