بالی ووڈ کے معروف اداکار رنبیر کپور کی اب تک شادی نا ہونے کی اصل وجہ سامنے آگئی ہے۔

غیر ملکی خبر رساں اداراے کے مطابق معروف اداکار رنبیر کپور نے کہا ہے کہ انہوں نے 20 سال کی عمر سے ہی شادی کرنے کے بارے میں سوچ و بچار شروع کردیا تھا۔

شادی کے حوالے سے رنبیر کپور نے بتایا کہ فلم ’یہ جوانی ہے دیوانی‘ کے ٹریلر لانچ ہونے کے بعد سے شادی اور ہونے والے بچوں کے بارے میں سوچنا شروع کردیا تھا۔

اداکار نے بتایا کہ جب میں نے اپنے دوست فلمساز ایان مکرجی کو اس بارے میں بتایا تو ایان نے شادی نہ کرنے کا مشورہ دیا۔

ایان مکرجی نے اداکار کو کہا کہ اس وقت ہم ایسے موڑ پر ہیں جہاں ہمیں شادی کے بارے میں زیادہ نہیں سوچنا چاہیے۔

اداکار کے دوست نے کہا کہ ایک مرتبہ پیار ہو جائے تو پھر شادی اور اس کے بعد بچے ہو ہی جاتے ہیں، یہ ایک قدرتی عمل ہے۔

رنبیر کپورآج بھی اپنے دوست کی اس مشورے پر ایان مکرجی کا شکریہ ادا کرتے ہیں کہ ایان نے انہیں صحیح مشورہ دیا۔

ایان نے رنبیر کپور سے کہا کہ تم نے ابھی اپنا کیریئر آغاز کیا ہے، تمہیں فی الحال اپنی زندگی جینی چاہیے، شادی بعد میں کر لینا۔

واضح رہے کہ میڈیا میں یہ خبریں زیر گردش تھیں کہ عالیہ بھٹ اور رنبیر کپور سال 2020  شادی کے بندھن میں بندھ جائیں گے لیکن بھارت میں کورونا کے پھیلاؤ کے سبب ان کی شادی ملتوی ہوگئی۔