اسلام آباد یونائیٹڈ کی بیٹنگ لائن پی ایس ایل 6 کے میچ میں لاہور قلندرز کے خلاف مشکلات کا شکار  ہوگئی ہے۔

تفصیلات کے مطابق ابوظہبی میں جاری پاکستان سپر لیگ کے میچ میں اسلام آباد یونائیٹڈ کے کپتان شاداب خان نے لاہور قلندرز کے خلاف  ٹاس جیت کر پہلے خود بیٹنگ کرنے کا فیصلہ کیا۔

🚨 TOSS UPDATE 🚨 @IsbUnited won the toss and elected to bat. 🏏 #MatchDikhao l #HBLPSL6 I #IUvLQ pic.twitter.com/GglifIYX98

— PakistanSuperLeague (@thePSLt20) June 13, 2021

شاداب خان کا خود بیٹنگ کرنے کا فیصلہ لاہور قلندرز کے بولرز نے غلط ثابت کردیا ہے۔

اننگز کا آغاز کرنے والے عثمان خواجہ کھاتہ کھولے بغیر ہی پویلین واپس لوٹ گئے۔

Third time’s the charm! @iShaheenAfridi gets the big wicket of @Uz_Khawaja and the Lahore camp cheers 🙌🏼 #MatchDikhao l #HBLPSL6 I #IUvLQ pic.twitter.com/5yi6SROajV

— PakistanSuperLeague (@thePSLt20) June 13, 2021

جیمز فالکنر نے روحیل نذیر کو ایک، حسین طلعت کو 8 اور پچھلے میچ کے ہیرو کولن منرو کو 4 رنز پر آؤٹ کرکے اسلام آباد کی مشکلات میں اضافہ کردیا ہے۔

جبکہ حارث رؤف نے کپتان شاداب خان کی اننگز کا خاتمہ 5 رنز پر کیا۔

دوسری جانب لاہور قلندرز نے ٹیم میں ایک تبدیلی کرتے ہوئے محمد فیضان کی جگہ ذیشان اشرف کو اسکواڈ کا حصہ بنایا ہے۔

 جبکہ اسلام آباد یونائیٹڈ نے حسن علی اور عاقف جاوید کی جگہ علی خان اور فواد احمد کو ٹیم میں شامل کیا ہے۔

اسلام آباد یونائیٹڈ کی ٹیم میں شاداب خان، کولن منرو، عثمان خواجہ، حسین طلعت، افتخار احمد، آصف علی، محمد موسیٰ، روحیل نذیر، فواداحمد، علی خان اور محمد وسیم شامل ہیں۔

لاہور قلندرز کی ٹیم میں کپتان سہیل اختر، فخرزمان، محمد حفیظ، بین ڈنک، ٹم ڈیوڈ، راشد خان، جیمز فولکنر، ذیشان اشرف، احمد دانیال، حارث رؤف اور شاہین آفریدی پر مشتمل ہے۔

واضح رہے اسلام آباد یونائیٹڈ نے پچھلے میچ میں کوئٹہ گلیڈی ایٹرز کو 10 وکٹ سے شکست دی تھی۔