ترکی خطے کا اہم مسلم رکن ہے، آرمی چیف

وریشہ مسعود

23rd Jun, 2021. 06:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترکی خطے کا اہم مسلم رکن ہے، آرمی چیف

آرمی چیف جنرل قمر جاوید باجوہ نے کہا ہے کہ ترکی خطے کا اہم مسلم رکن ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ نے ترکی کا ایک روزہ سرکاری دورہ کیا جہاں انہوں نے ترکی کے وزیر دفاع جنرل ہولوسی آکار سے ملاقات کی۔

آئی ایس پی آر کے مطابق کمانڈر ترکش جنرل اسٹاف اور ترکی کی زمینی افواج کے سربراہ بھی ملاقات میں موجود تھے۔

آئی ایس پی آر کا کہنا ہے کہ ملاقات میں باہمی دلچسپی، دو طرفہ دفاع و سیکیورٹی تعاون سے متعلق امور پر بات چیت کی گئی جبکہ خطے کے امن و استحکام، افغان امن عمل سے متعلق امور پر بھی تبادلہ خیال کیا گیا۔

آئی ایس پی آر کا یہ بھی کہنا ہے کہ ملاقات میں ترکی کے وزیر دفاع نے افغان مفاہمتی عمل میں پاکستان کی کوششوں کو سراہا۔

ملاقات میں آرمی چیف جنرل قمر جاوید باجوہ نے خطے میں امن کیلئے ترکی،پاکستان کی مشترکہ کوششوں کی تعریف کی۔

آرمی چیف جنرل قمر جاوید باجوہ نے کہا ہے کہ ترکی خطے کا اہم مسلم رکن ہے، پاک ترک تعاون کے خطے کے امن پرمثبت اثرات مرتب ہونگے۔