پاکستان شوبز انڈسٹری کے معروف اداکار فیروز خان نے شوبز انڈسٹری کی اُبھرتی ہوئی اداکارہ علیزے شاہ کے حق میں آواز بلند کر لی ہے۔

حال ہی میں سوشل میڈیا سائٹ انسٹاگرام پر اداکار یاسر نواز کی ویڈیو شیئر کی گئی ہے۔

ویڈیو میں دیکھا جا سکتا ہے کہ اداکار یاسر علیزے شاہ کے بارے میں بات کررہے اور بتا رہے ہیں کہ اُنہیں اداکارہ کے ساتھ کام کرکے پچھتانا پڑا تھا۔

اداکار فیروز خان نے یاسر نواز کی اس ویڈیو پر تبصرہ کرتے ہوئے لکھا کہ میں نے علیزے شاہ کے ساتھ کام کیا ہے اور میرا تجربہ کافی اچھا ثابت ہوا۔

اداکار فیروز خان نے کہا کہ علیزے شاہ ابھی نوجوان اداکارہ ہیں اور اُن کی فیملی اور دوستوں میں سے کسی کا تعلق بھی شوبز انڈسٹری سے نہیں ہے لہٰذا اُنہیں ابھی بہت کچھ سکھانا ہے جس میں تھوڑا وقت لگے گا۔

انہوں نے کہا کہ مجھے یاد ہے کہ جب میں انڈسٹری میں آیا تھا تو مجھے بھی کچھ لوگوں کی جانب سے بہت تنگ کیا گیا تھا۔

 جبکہ میرے خاندان کا تو پہلے سے ہی شوبز انڈسٹری سے تعلق تھا۔

اداکار نے مزید لکھا  کہ نامور فنکاروں کی جانب سے انڈسٹری کے نوجوان اداکاروں پر تنقید کرنا درست نہیں۔

واضح رہے کہ علیزے شاہ نے حال ہی  میں اداکار یاسر نواز کے ساتھ کام کیا تھا۔