ہمارے ساتھ زیادہ تر یہ کیفیت ہوتی ہے کہ جب ہم نیند سے بیدار ہوتے ہیں تو ہمارا جسم کافی سست ہوتا ہے اور دل نہیں کرتا کسی سے بات کرنے کا یہ کیوں ہوتا ہے۔

اکثر لوگ نیند سے اٹھنے کے بعد موڈ میں کچھ تبدیلیاں محسوس کرتے ہیں، جیسے اداسی، مایوسی، غصہ، انتہائی کاہلی وغیرہ، اس حالت کو “صبح کی افسردگی” کہا جاتا ہے لیکن کیا یہ معاملہ صرف سستی اور چڑچڑے پن کی حد تک محدود ہے یا پھر اس کی وجوہات یا علاج بھی ہیں؟

 “ویری ویل مائنڈ” کی ویب سائٹ کی رپورٹ کے مطابق عموماً ایسے لوگ جو صبح اٹھتے ہی موڈ میں خرابی محسوس کرتے ہیں جبکہ دن کے ڈھلنے کے ساتھ ساتھ ان کی حالت میں بہتری آجاتی ہے ،اس کا کوئی واضح سبب نہیں ہوتا بلکہ  یہ ان کے مزاج کا حصہ بن جاتا ہے۔

افسردگی کی مختلف وجوہات ہیں ،میڈیکل نیوز ٹو ڈے کے مطابق ڈاکٹروں نے صبح کے وقت افسردگی کی کوئی ایک خاص وجہ نہیں بتائی، لیکن میڈیکل نیوز ٹوڈے کے مطابق صبح کی افسردگی کی وجہ ہارمونل تبدیلی بھی ہو سکتی ہے۔

بیماریوں کے کنٹرول اور روک تھام کے مراکز (سی ڈی سی) کے مطابق صبح کے وقت افسردگی میں دیگر کچھ عوامل ہوسکتے ہیں، جن میں خاندانی یعنی موروثی بیماری، طبی مسئلہ، ادویات کا استعمال کرنا، زندگی کے واقعات جیسے طلاق یا کوئی بڑا غم اور زندگی کے مشکل حالات وغیرہ شامل ہو سکتے ہیں۔

اس ہی کے ساتھ ساتھ توجہ کی کمی ، شدید اکتاہٹ یا مایوسی، ایسی سرگرمیوں میں دلچسپی کا فقدان جو کبھی ان کے لئے خوشگوار تھیں، خالی پن کا احساس، بھوک کی کمی اور نیند میں اضافہ ہونا ۔

تحقیق کے مطابق ماہرین نے  صبح کے وقت افسردگی سے نکلنے کے لئے ورزش کرنے کے علاوہ یہ بھی کہا ہے کہ رات کو جلدی سونے کی عادت بنائیں اور دیر تک مت جاگیں، پوری طرح آرام کریں اور معاملات زیادہ خراب ہونے پر کسی ماہر نفسیات سے لازمی مشورہ کریں۔