پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ عوام پر مہنگائی کا پہاڑ گرنے والا ہے۔

تفصیلات کے مطابق پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے کہا کہ کسی حال میں بھی حکومت کو برقرار رکھنے کا کوئی جواز نہیں، پرامن اور مستحکم افغانستان کیلئے پیشرفت پرعملدرآمد ہونا چاہیے، الیکشن کے دوران امن کیلئے پولیس ہی کافی ہے۔

انہوں نے یہ بھی کہا کہ پشاور میں فاٹا کے عوام کا معیارزندگی بہترکیا جائے، بجٹ میں فاٹا کیلئے 74 ارب کا پیسہ صرف نمائشی ہے، پشتون بیلٹ میں مذہبی جڑیں کمزور کرنے کیلئےعمران خان کولایا گیا، فاٹا کےعوام مظلومیت کے دور سے گزر رہے ہیں، فاٹا میں پرانا نظام ختم اور نئےنظام کا تجربہ ناکام نظرآرہا ہے، منصوبے کے تحت نئی نسل کو گمراہ کیا گیا ہے۔

مولانافضل الرحمان نے یہ بھی کہا کہ شہبازشریف نے آل پارٹیز کانفرنس طلب کی تائید کرتے ہیں، 29 جولائی کو کراچی میں پی ڈی ایم کا جلسہ ہوگا، عوامی صفوں کو ایک بار پھرمنظم کیا جائے گا، ہماراجمہوری ہتھیارعوام ہے، جدوجہد جاری رکھیں گے، حکومت کیخلاف جنگ جاری ہے اور جنگ ہم ہی جیتیں گے۔

انہوں نے مزید کہا کہ سوات میں 4 جولائی کو تاریخ کا سب سے بڑا اجتماع ہوگا، 4 جولائی کوعوام فیصلہ کرے گی حکومت کومسترد کرچکے، پی ڈی ایم اپنے مؤقف پر قائم ہے، عوامی قوت کے ساتھ پی ڈی ایم کی تحریک جاری ہے۔

فضل الرحمان نے مزید یہ بھی کہا کہ دھاندلی کی پیداوار حکومت اسی طرح کے کارنامے انجام دے سکتی ہے، ہلڑبازی کاسلسلہ اب بلوچستان پہنچ گیا ہے، اوباش لوگوں کوپارلیمنٹ میں بٹھا کرایوان کی بےتوقیری کی گئی، بلوچستان ارکان اسمبلی کی ہڈیاں توڑی گئیں، بلوچستان اسمبلی کا دروازہ بکتربند گاڑی سے توڑا گیا۔

پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان کا کہنا یہ بھی ہے کہ سیاست میں اداروں کی مداخلت قبول نہیں، پشاور میں ہم بات کس سے کریں؟ حکومت اس قابل نہیں کہ انکے ساتھ بیٹھ کر بات کریں، جس طرح ان کا رویہ ہے یہ لوگ باوقارمجلس میں بیٹھنے کے قابل نہیں۔