جو بھی واقعہ ہوتا ہےاس پر سیاست چمکائی جاتی ہے ،مرادسعید

کلثوم ہرا

08th Jun, 2021. 12:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جو بھی واقعہ ہوتا ہےاس پر سیاست چمکائی جاتی ہے ،مرادسعید

وفاقی وزیرِ مواصلات مراد سعید نے کہا ہے کہ جو بھی واقعہ ہوتا ہے اس پر سیاست چمکائی جاتی ہے۔

تفصیلات کے مطابق وفاقی وزیرِ مواصلات مراد سعید کی تقریر کے دوران اپوزیشن نے شور شرابہ شروع کر دیا تھا۔

مراد سعید نے کہا کہ سیاست ہو رہی ہے یہ بات نہیں ہو رہی کہ حادثات کیوں ہو رہے ہیں۔

انہوں نے یہ بھی کہا کہ اپنےغلاموں کو آگے نہ کریں ، مجھ سے بات کریں۔

وفاقی وزیرِ مواصلات کا کہنا تھا کہ موجودہ حکومت نے آتے ہی ایم ایل ون منصوبے پر کام شروع کیا، ایم ایل ون کا مقصد ریلوے کے نظام کو مضبوط اورمحفوظ بنانا ہے۔

مرادسعید نے کہا کہ ٹرین حادثے پر سوال ضرورہونا چاہئیے لیکن ماضی کی حکومتوں نے کیا کیا؟

انہوں نے یہ بھی کہا کہ کراچی میں جو کچھ ہوا اس پر کوئی جواب نہیں دیا گیا، 70 سال میں آپ نے نظام کو تباہ کیا۔

وفاقی وزیرِ مواصلات کا کہنا تھا کہ ایوان میں گالم گلوچ کی جگہ سنجیدہ موضوعات پر بات ہونی چاہئیے، کیا گالم گلوچ سے اس ہاؤس کو چلانا ہے۔

وفاقی وزیرِ مواصلات مراد سعید نے مزید کہا کہ اپوزیشن میں بھی دم ہونا چاہئیے کہ وہ سوالات کے جواب دیں ،پرچی چیئرمین نے گالم گلوچ کے لئے اپنے بندے رکھے ہوئے ہیں۔