حج عمرہ
حج کی درخواستیں جمع کرنے والوں کی تعداد پانچ لاکھ سے تجاوز کرگئی جبکہ 14 ذو القعدہ کودرخواستوں کا جائزہ لیا جائے گا۔
تفصیلات کے مطابق نائب وزیر حج وعمرہ ڈاکٹر عبد الفتاح مشاط نے اپنے ایک بیان میں کہا کہ حج درخواستوں کے نتائج کا اعلان 15 ذو القعدہ کو ہوگا۔
نائب وزیر حج وعمرہ نے کہا کہ جن لوگوں نے کورونا ویکسین کی ایک یا دونوں خوارکیں لے رکھی ہیں یا وہ لوگ جنہوں نے پہلے کبھی حج نہیں کیا انہیں ترجیح دی جائے گی۔
ڈاکٹر عبد الفتاح مشاط نے یہ بھی کہا کہ ذو القعدہ کی 13 تاریخ تک خواہشمند درخواستیں جمع کراسکتے ہیں۔
نائب وزیر حج وعمرہ ڈاکٹر عبد الفتاح مشاط نے مزید کہا کہ عازمین کو پیش کی جانے والی سہولتوں کی نگرانی کے لیے خصوصی ٹیم ہوگی اور جو کوئی بھی خلاف ورزی کا مرتکب ہوگا اس کے خلاف فوری کارروائی ہوگی۔
Advertisement
واضح رہے کہ وزارت حج وعمرہ نے امسال حج کی ادائیگی کو اندرون ملک کے عازمین تک محدود کرنے کا فیصلہ کیا ہے جس کے لئے 60 ہزار افراد کو حج کی اجازت ہوگی حج کی درخواستیں جمع کرانے کے لئے وزارت نے اپنی ویب سائٹ پر خصوصی لنک جاری کیا ہے جہاں عازمین اپنے کوائف کا اندراج کراسکتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
