ریئل می موبائل کمپنی کی جانب سے نارزو 30 کو  پاکستان می متعارف کرادیا گیا ہے۔

تفصیلات کے مطابق رئیل می نے گزشتہ سال فروری میں نارزو 30 سیریز کے 2 اسمارٹ فونز نارزو 30 اے اور 30 پرو 5 جی متعارف کرائے تھے اور اب چینی کمپنی نے اس سیریز کا اسٹینڈرڈ ماڈل نارزو 30 کی شکل میں پیش کیا ہے۔

رئیل می نارزو 30 میں 6.5 انچ کا فل ایچ ڈی پلس ڈسپلے 90 ہرٹز ریفریش ریٹ کے ساتھ متعارف کیا گیا ہے۔

موبائل فون ڈسپلے کے اوپری بائیں کونے میں 16 میگا پکسل سیلفی کیمرا پنچ ہول ڈیزائن میں موجود ہے۔

فون میں میڈیا ٹیک کا ہیلیو جی 95 پراسیسر موجود ہے جس کے ساتھ 6 جی بی ریم اور 128 جی بی اسٹوریج دیا گیا ہے۔

رئیل می نارزو 30 میں اینڈرائیڈ 11 آپریٹنگ سسٹم نصب کیا گیا ہےجس کا امتزاج رئیل می یو آئی 2.0 سے کیا گیا ہے جبکہ مائیکرو ایس ڈی کارڈ سپورٹ بھی موجود ہے، جس کی مدد سے فون اسٹوریج بڑھائی جاسکتی ہے۔

نارزو 30 میں این ایف سی چپ بھی موجود ہے جبکہ فنگرپرنٹ اسکینر سائیڈ پر دیا گیا ہے جبکہ5000 ایم اے ایچ کی طاقتور بیٹری بھی لگائی گئی ہے جس کے ساتھ 30 واٹ فاسٹ چارجنگ سپورٹ دی گئی ہے۔

رئیل می کا کہنا ہے کہ اس فون کی بیٹری صفر سے 100 فیصد تک 65 منٹ میں چارج ہوسکتی ہے جبکہ ریورس وائرڈ چارجنگ سپورٹ بھی دی گئی ہے۔

[amazonad categoryElectronics”]