پی ٹی آئی مرکزی رہنما اور رکن صوبائی اسمبلی فردوس شمیم نقوی نے کہا ہے کہ اس بجٹ میں حکومت کیلئے ریونیو جمع کرنا چیلنج ہے۔

تفصیلات کے مطابق پی ٹی آئی مرکزی رہنما اور رکن صوبائی اسمبلی فردوس شمیم نقوی نے بجٹ کے حوالے سے ویڈیو بیان میں کہا کہ حکومت پاکستان اور وزیر خزانہ شوکت ترین کو بہترین بجٹ پیش کرنے پر مبارکباد پیش کرتا ہوں۔

فردوس شمیم نقوی نے کہا کہ پاکستان کے موجودہ حالات دیکھتے ہوئے اس سے بہتر بجٹ پیش نہیں کیا جاسکتا، بجٹ میں افراط زر کو 17ہزار سے 20ہزار پر لانا ایک احسن قدم ہے۔

پی ٹی آئی کے رہنما کا کہنا تھا کہ حکومت نے زراعت کے شعبے کو اپنی ترجیحات میں سب سے اوپر رکھا اور ہمیں امید ہے زراعت میں شرح نمو ڈیڑھ گنا زیادہ ہوگی۔

فردوس شمیم نقوی نے کہا کہ 5 لاکھ کے بلاسود قرضے دینے کا فیصلہ خوش آئند ہے، اس سے لوگ بآسانی اپنا کاروبار کرسکیں گے۔

پی ٹی آئی کے رہنما کا کہنا تھا کہ صحت انصاف کارڑ کے پی کے ساتھ ساتھ پورے پاکستان بھر میں اب عوام کو فراہم کیا جائیگا۔

فردوس شمیم نقوی کا یہ بھی کہنا تھا کہ ٹیکنالوجی سیکٹر کو ٹیکس فری کرنے کا فیصلہ بھی نہائتی خوش آئیند ہے، اس بجٹ عوام پو کوئی ٹیکسز کا بوجھ نہیں ڈالا گیا۔

پی ٹی آئی مرکزی رہنما اور رکن صوبائی اسمبلی فردوس شمیم نقوی کا مزید کہنا تھا کہ اس بجٹ میں حکومت کیلئے ریونیو جمع کرنا چیلنج ہے، حکومت ان لوگوں کو ٹیکس نیٹورک میں لیکر آئے جو ماضی میں ٹیکس ادا نہیں کرتے تھے۔

واضح رہے کہ آج اپوزیشن کے شور شرابے میں پی ٹی آئی حکومت کا تیسرا بجٹ پیش ہوا۔

 وزیر خزانہ کا بجٹ پیش کرتے ہوئے کہنا تھا اس بار غریب کو مکمل پیکج دیں گے، سرکاری ملازمین کی تنخواہ میں 10 فی صد اضافے کا اعلان کیا گیا ہے، کم سےکم اجرت 20 ہزار روپے ماہانہ ہوگی۔

وزیر خزانہ کا مزید کہنا تھا کہ آئندہ مالی سال کے لیے ترقیاتی بجٹ میں 40 فی صد اضافہ کیا گیا ہے، ترقیاتی فنڈ 600 ارب روپے سے بڑھا کر 900 ارب روپے کر دیا گیا، کراچی بحالی منصوبے کے لیے وفاق 98 ارب روپے دے گا۔