وزیر اعلیٰ پنجاب سردار عثمان بزدار نے کہا ہے کہ معاشی استحکام کا فائدہ براہ راست عوام کو پہنچے گا۔

تفصیلات کے مطابق وزیر اعلیٰ پنجاب سردار عثمان بزدار نے اپنے ایک بیان میں کہا کہ موجودہ حکومت کی بہترین معاشی کارکردگی پر اپوزیشن بوکھلاہٹ کا شکار ہے۔

وزیر اعلیٰ پنجاب نے کہا کہ اپنے ادوار میں معیشت سے کھلواڑ کرنے والے معاشی استحکام پر اپنا منہ چھپا رہے ہیں۔

سردار عثمان بزدار نے یہ بھی کہا کہ معاشی اشارئیے بہتر ہونے پر اپوزیشن کا واویلا چور مچائے شور کے مترادف ہے۔

وزیر اعلیٰ پنجاب کا کہنا تھا کہ تحریک انصاف کی حکومت کو تباہ حال معیشت ملی، وزیراعظم عمران خان کی قیادت میں پوری ٹیم نے دن رات محنت کرکے معیشت کو درست ٹریک پر ڈال دیا ہے۔

سردار عثمان بزدار کا یہ بھی کہنا تھا کہ مستحکم معیشت پر اپوزیشن کا مسلسل رونا منافقت اور دوغلہ پن ہے۔

وزیر اعلیٰ پنجاب سردار عثمان بزدار کا مزید کہنا تھا کہ قوم جان چکی ہے کہ اپوزیشن عناصر عقل کے ساتھ بصیرت سے بھی عاری ہیں۔

واضح رہے اس سے قبل وزیراعلیٰ پنجاب سردار عثمان بزدار سے معاون خصو صی برائے اطلاعات ڈاکٹر فردوس عاشق اعوان کی ملاقات ہوئی تھی۔

سردار عثمان بزدار نے کہا تھا کہ تحریک انصاف کی حکومت کے دور میں جو پائیدار کام کئے ہیں ان کی مثال ماضی میں نہیں ملتی۔

وزیراعلیٰ پنجاب کا کہنا تھا کہ مختصر مدت میں عوام کو ریلیف دیا ہے اوران کیلئے آسانیاں پیدا کی ہیں۔

سردار عثمان بزدار کا مزید کہنا تھا کہ سابق دور میں نمائشی منصوبوں پر شو بازی کی گئی، ہم نے اس غلط کلچر کا خاتمہ کیا ہے۔