عثمان ڈار کا کہنا ہے کہ کامیاب جوان پروگرام سے11 ہزار سے زائد نوجوانوں نے روزگارحاصل کرلیا ہے۔

تفصیلات کے مطابق کامیاب جوان پروگرام کے بانی عثمان ڈار نے سماجی  رابطے کی ویب سائٹ ٹوئٹر پر اپنے جاری کردہ پیغام میں کامیاب جوان پروگرام کے ذریعے سے ملنے والی رقم میں خیبرپختو نخواہ کے رہائشی محمد نواز کی ڈاکیومنٹری ویڈیو شئیر کی جس میں محمد نواز نے وزیر اعظم کا شکریہ ادا کرتے ہوئے کہا کہ وزیراعظم عمران خان خود بھی خوبصورت ہیں اور ان کا دل بھی خوبصورت ہے، پہلے بھی حکومتیں دیکھیں مگر کسی نے غریب کا احساس نہیں کیا، پہلی بار کسی حکومت نے غریب کے بارے میں سوچا۔

ویڈیو میں محمد نواز نے بتایا ہے کہ بہت عرصے سے روزگار کی تلاش میں تھا مگر وسائل نہیں تھے، حکومت نے پیسے دئیے تو اپنا روزگار کا مسئلہ حل ہو گیا، عمران خان سے پیار ہے، کامیاب جوان ٹیم اور وزیراعظم کے شکرگزار ہیں۔

ویڈیو میں عثمان داڑ کا کہنا ہے کہ نوجوانوں کو روزگار کی فراہمی کا مشن پورا ہو رہا ہے، نوجوانوں کو برسر روزگار دیکھ کر خوشی محسوس ہو رہی ہے، نوجوانوں کو برسر روزگار دیکھ کر خوشی محسوس ہو رہی ہے، وزیراعظم نے کہا ہے کہ نوجوانوں کو با اختیار دیکھنا چاہتے ہیں۔

ویڈیو میں انھوں نے کہا ہے کہ وزیر خزانہ بھی نوجوانوں میں رقم کی تقسیم تیز کرنے کے خواہشمند ہیں، انشااللہ چند ماہ میں رقم کی تقسیم کو دوگنا کر دیں گے۔

وزیراعظم عمران خان خود بھی خوبصورت ہیں اور ان کا دل بھی خوبصورت ہے! خیبرپختون خواہ کا نوجوان کامیاب جوان پروگرام سے قرض ملنے پر خوشی سے نہال! کہا پہلے بھی حکومتیں دیکھیں مگر کسی نے غریب کا نہیں پوچھا پہلی بار کسی حکومت نے غریب کا احساس کیا ہے! دیکھئے محمد نواز کے جذبات اور تاثرات pic.twitter.com/EJQv6rdcVG

— Usman Dar (@UdarOfficial) June 19, 2021