وزیراعظم عمران خان کی زیر صدارت وفاقی کابینہ کا اجلاس آج ہوگا۔

تفصیلات کے مطابق کابینہ ملکی سیاسی، معاشی صورتحال کا جائزہ لے گی اس کے علاوہ کابینہ 15 نکاتی ایجنڈے پر بھی غور کرے گی۔

ذرائع کے مطابق اجلاس میں والٹن ائیرپورٹ پراجیکٹ کا پنجاب حکومت اور سول ایوی ایشن اتھارٹی کےدرمیان ریونیو شئیرنگ کا فیصلہ ہوگا، اے ایچ ایس ائیر انٹرنیشنل کے لائسنس کی تجدید کا معاملہ کابینہ ایجنڈا میں شامل ہوگا اور پاکستان پوسٹل مینجمنٹ بورڈ کے پرائیویٹ ممبران کی تقرری کا معاملہ ایجنڈے میں شامل ہوگا۔

ذرائع نے بتایا کہ اجلاس میں ہیوی انڈسٹریز ٹیکسلا محکہ بورڈ میں ممبر پلاننگ کی تقرری کابینہ ایجنڈے میں شامل ہوگی، کارلٹن ہوٹل کراچی کی زمین کا استعمال تبدیل کرنے کا معاملہ کابینہ ایجنڈے میں شامل ہوگا اوراربن ریجنریشن آف پاکستان کوراٹرز کا معاملہ ایجنڈے میں شامل ہوگا۔

ذرائع نے بتایا کہ اجلاس میں پاکستان کوسٹ گارڈز فاؤنڈیشن کی منظوری کابینہ ایجنڈے کا حصہ بنے گی، قیدی محمد اویس کی پاکستان سے ناروے منتقلی کا معاملہ بھی کابینہ میں پیش ہوگا،اسلام آباد کے زون 4 میں پرائیویٹ ہاؤسنگ اور بلند منزلہ اپارٹمنٹس کےلئے زمین کے استعمال کی منظوری ایجنڈے کا حصہ بنے گا۔

ذرائع کے مطابق  اجلاس میں غیر بھارتی پنجابی فلموں کی امپورٹ کا فیصلہ بھی کابینہ ایجنڈے کا حصہ بنے گی اس کے علاوہ نیشنل ڈیجیٹل کیبل پالیسی منظوری کےلئے کابینہ میں پیش ہوگی، بیرون ملک کمیونٹی ویلفئیر اتاشیوں کی تقرری بھی کابینہ ایجنڈے میں شامل ہوگی۔

ذرائع نے مزید بتایا کہ  اجلاس میں ریاض ایمبیسی سے عوام الناس کی وزیر اعظم کو شکایات کا معاملہ کابینہ کا حصہ بنے گی، ایس ڈی جی پیز کی ہدایات میں ردوبدل سے متعلق معاملہ کابینہ ایجنڈے میں شامل ہوگا  اس کے علاوہ ای سی سی کے 2 جون کے فیصلوں کی توثیق بھی کابینہ ایجنڈے میں شامل ہوگی ۔