بھارت کے کامیڈین کپل شرما نے اپنے شو ’دی کپل شرما شو‘ کے تیسرے سیزن کے لیے اپنا معاوضہ ایک دم بڑھا دیا۔

 [amazonad category=”Mobile”]

غیر ملکی خبر رساں ادارے کے مطابق بھارت میں کورونا بحران کے باعث عارضی طور ہر بند کیا جانے والا کپل شرما کا کامیڈی شو آئندہ ماہ نشر کیا جائے گا۔

یہ بات بھی سامنے آرہی ہے کہ کپل شرما نے تیسرے سیزن کے لیے اپنا معاوضہ بھی بڑھا دیا ہے۔

واضح رہے کہ پچھلے سیزنز میں کامیڈین ایک قسط کے 30  لاکھ روپے لیتے تھے۔

تاہم اب تیسرے سیزن میں انہوں نے اپنا معاوضہ 50 لاکھ کردیا ہے۔

دوسری جانب کورونا بحران کے باعث عارضی طور پر بند کیے جانے والے شو کے حوالے سے کپل شرما کا کہنا تھا کہ وہ بچے کی پیدائش کے باعث شو سے دور ہیں لیکن کپل شرما کے ہاں دوسرے بچے کی پیدائش کے بعد بھی اب تک پروگرام دوبارہ نشر نہیں کیا گیا۔

واضح رہے کہ کپل شرما کے شو میں پاکستان سے اب تک وسیم اکرم بمعہ اہلیہ شنیرا اکرم، شعیب اختر، راحت فتح علی خان، فواد خان اور شعیب ملک بمعہ اہلیہ ثانیہ مرزا، مومل شیخ سمیت دیگر ممتاز شخصیات شرکت کرچکی ہیں۔

کپل شرما شو کو پاکستان میں بھی بے حد پسند کیا جاتا ہے۔ شو کی ابتدا میں پاکستانی فنکار نسیم وکی بھی اس کا حصہ بنے تھے۔