خیبر پختونخوا اسمبلی میں ہفتہ وار تعطیل جمعے کو کرنے کی قرار داد منظور

کلثوم ہرا

01st Jun, 2021. 11:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبر پختونخوا اسمبلی میں ہفتہ وار تعطیل جمعے کو کرنے کی قرار داد منظور

خیبر پختونخوا اسمبلی میں جمعے کی چھٹی کی بحالی کی قرارداد متفقہ طور پرمنظور کرلی گئی ہے۔

تفصیلات کے مطابق اسمبلی میں قرارداد جماعت اسلامی کی حمیرا خاتون اور حاجی سراج الدین خان نے پیش کی ہے۔

قراردار میں کہا گیا ہے کہ ملک بھر میں اتوار کے بجائے جمعے کے دن ہفتہ وار سرکاری تعطیل کو بحال کیا جائے۔

اسلامی تعلیمات کی رو سے جمعتہ المبارک کی بڑی اہمیت ہے ،اسے دوسرے ایام کا سردار کہا گیا ہے جبکہ ماضی میں جمعے کے دن سرکاری تعطیل تھی اور اتوار کے دن سرکاری تعطیل سے عملاً دو دن چھٹی ہوتی ہے۔

اسمبلی میں جمع کرائی گئی قرارداد میں مزید کہا گیا کہ اس وقت عملًا بازاروں، مارکیٹوں اور نجی اداروں میں دو دن تعطیل ہوتی ہے جبکہ سرکاری دفاتر میں جمعے کے دن دوپہر 12 بجے کے بعد عملاً چھٹی ہوتی ہے۔

قرارداد میں یہ بھی کہا گیا کہ دو چھٹیوں سے کاروبار، معیشت اور سرکاری امور بھی سست روی کا شکار ہیں جبکہ قراردار میں مطالبہ کیا گیا ہے کہ وفاقی حکومت ملک بھر میں جمعے کی چھٹی فی الفور بحال کرے۔