پی پی پی چیئرمین بلاول بھٹو زرداری نے کہا ہے کہ پاکستان پیپلز پارٹی کشمیریوں کی پرامن تحریکِ آزادی کے ہر سطح پر حمایت جاری رکھے گی۔
تفصیلات کے مطابق پی پی پی چیئرمین بلاول بھٹو زرداری نے یوم شہداء کشمیر کی برسی پر اپنے ایک پیغام میں کہا کہ سانحہ 13جولائی 1931 سمیت کشمیر کی تحریکِ آزادی کے تمام شہداء و اسیروں کا سلام پیش کرتا ہوں۔
[amazonad category=”Mobile”]
اپنے پیغام میں بلاول بھٹو زرداری نے ڈوگرہ راج کی سفاکی کا نشانہ بنے والے 22 شہداء کو خراج عقیدت پیش کیا ہے۔
پاکستان پیپلز پارٹی کے چیئرمین نے کہا کہ سینٹرل جیل سری نگر کے باہر جام شہادت نوش کرنے والوں کے خون سے کشمیر کی صبحِ آزادی طلوع ہوگی۔
Advertisement
بلاول بھٹو زرداری نے یہ بھی کہا کہ شہداء نے اپنے لہو سے تحریکِ آزادی کی جو شمع روشن کی وہ آج بھی فروزاں ہے، دنیا کی کوئی طاقت کشمیریوں کے دلوں میں جذبہ حریت کو دبا نہیں سکتی۔
پاکستان پیپلز پارٹی کے چیئرمین بلاول بھٹو زرداری نے مزید کہا کہ پیپلز پارٹی اپنے شہید چیئرپرسنز شہید ذوالفقار علی بھٹو اور شہید محترمہ بینظیر بھٹو کے نقش قدم پر چلتے ہوئے کشمیر کاز پر سختی سے کاربند ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
