پاکستانی اداکارہ عفت عمر نے طویل مدت بعد شوہر کے ہمراہ تصویر شیئر کر دی۔

انہوں نے شوہر عمر کے ہمراہ سیڑھیوں پر تصویر کے لیے پوز دیتے اپنی ایک دلکش تصویر شیئر کی ، تصویر کے کیپشن میں انہوں نے 2021 لکھا۔

اداکارہ عفت عمر کی جانب سے پوسٹ کی جانے والی تصویر پر سوشل میڈیا صارفین نے اداکارہ کو ’آنٹی‘ کہہ دیا۔

ایک صارف نے تصویر کے کمنٹ میں اداکارہ کے لیے لکھا کہ وہ لڑکے کی آنٹی لگ رہی ہیں۔

تاہم اداکارہ نے تصویر پر ’آنٹی‘ کہنے والے صارف کو کھری کھری سُنا دیں۔

اداکارہ آنٹی کہے جانے پر غصہ ہوگئیں، انہوں نے لکھا کہ آپ جیسے خود دِکھتے ہیں آپ سے کسی اچھی بات کی توقع بھی نہیں کی جاسکتی۔

عفت عمر سے سخت جواب ملتے ہی صارف بھی اپنی صفائی دینے لگا ، اور لکھا کہ وہ تو بس ان کی عمر پر تبصرہ کررہے تھے۔

 اور ساتھ ہی یہ بھی لکھا کہ وہ ان تمام اشیا کا استعمال نہیں کرتے جس کااستعمال اداکارہ اپنی لُکس کو بہتر بنانے کے لیے کرتی ہیں۔

اداکارہ نے جواب میں لکھا کہ آپ پر وہ تمام چیزیں بھی اثر نہیں کریں گی۔

حال ہی میں اداکارہ نے اپنی اصل عمر بتا کر مداحوں کو خاصی حیرت میں مبتلا کیا تھا۔

عفت عمر کا بتانا تھا کہ ان کی عمر 40 نہیں بلکہ 49 برس ہے اور وہ اسے انجوائے بھی کررہی ہیں۔