کراچی کی مختلف مساجد میں عید الاضحیٰ کی نماز کے اوقات کا اعلان کردیا گیا ہے۔

تفصیلات کے مطابق کراچی کی مختلف مساجد میں عید الاضحیٰ کی نماز کے اوقات کا اعلان کردیا گیا، مساجد کی انتظامیہ کی جانب سے جاری کردہ شیڈول کے مطابق نمازعید الاضحیٰ درج اوقات میں ادا کی جائے گی۔

کراچی کی جامع مساجد میں عيد الاضحی کی نماز کے اوقات

جامع مسجد بیت المکرم اور فیضان ٹاؤن نئی سبزی منڈی میں عید الاضحیٰ کی نماز 8:45 پر ادا کی جائے گی جبکہ عیدگاہ عبداللہ گبول گوٹھ نزد گلشن معمارمیں 7:45 پر پر ادا کی جائے گی۔

ہل پارک گراؤنڈ متصل معراج پارک شہید ملت روڈ ، فتح باغ پارک نزد ضیاء الدین اسپتال نارتھ ناظم آباد اور کے ڈی گراؤنڈ منگل بازار ریلوے سوسائٹی میں عید الاضحیٰ کی نماز 6:30 پر ادا کی جائے گی۔

انوبھائی پارک ناظم آباد نمبر 6 مین روڈ میں 6:45 جبکہ جامع مسجد کنزالایمان گرومندر اورمیمن مسجد بولٹن مارکیٹ میں 6:15 پرعید الاضحیٰ ادا کی جائے گی۔

عید گاہ گراؤنڈ نزد محمد بن قاسم اسکول ٹی پی ٹو محمود آباد میں 7:00 جبکہ جامع مسجد کیماڑی جیکسن مارکیٹ میں 7:30 اور اقصیٰ عید گاہ صوفی غلام نبی روڈ کھوکراپار نمبر2 میں عید الاضحیٰ کی نماز 7:15 پر ادا کی جائے گی۔

عیدگاہ شہدائے میلاد بشارت پارک پریڈی اسٹریٹ لائنزایریا میں 7:45 جبکہ امام احمد رضا عید گاہ شاہ فیصل نمبر4 میں نمازعید الاضحیٰ 7:45 پر ادا کی جائے گی۔

عید گاہ وحید آباد گلبہار چار سو کوارٹر میں 8:30 ، عید گاہ امام احمد رضا ایچ ایم گراؤنڈ کورنگی نمبر2 میں8:00 جبکہ جامع مسجد گلزار حبیب سولجر بازار میں نمازعیدالاضحیٰ 9:00 پر ادا کی جائے گی۔

یاد رہے کہ پاکستان سمیت دیگر ممالک میں کل عید الاضحیٰ مذہبی جوش و جذبے کے ساتھ منائی جائے گی، جس کے تحت فرزندان اسلام نماز عید کی ادائیگی کے بعد اپنے جانور اللہ کے حضور قربان کریں گے۔